Page 24 - HOH

Dialuna awo IMSAN ta bay inaugura e comienso di e ampliacion di IMSAN pa asina construi un bunker pa
yega na un centro oncologico pa Aruba. Esaki ta un proyecto hopi bon y bunita cu ta carga e sosten di
Fraccion di AVP. E gobierno aki tin di bay ehecut’e y tin otro cosnan tambe cu e gobierno a cuminsa cun’e
manera e diferente leynan introduci. A trata esakinan den Parlamento y nan mester yega na e fase di

implementacion, cu ta e ley di calidad di cuido di pashentnan, pero tambe e ley di BIG y e ley di ouderenzorg.
Mester implementa tur esaki.

Pero si tende e gobierno papia den e tratamento di presupuesto, awo nan a cuminsa traha riba proyectonan.
Esaki ta proyectonan cu ya t’ey caba y cu lo mester continua cu e trabou. Parlamentario Wyatt-Ras ta indica
cu esaki ta un situacion cu nan lo sigui e procesonan cu wowonan skerpi pa asina cuestiona gobierno ora tin
cu haci esey. Ta di importancia pa garantisa pueblo di Aruba un bon cuido di salud y p’esey Fraccion di AVP
lo keda monitor e proceso aki pa haci posibel pa logra tur locual gobierno anterior tabata traha riba dje.

https://arubanative.com/2018/04/20/parlamentario-di-fraccion-di-avp-mervin-wyatt-ras-gobierno-
actual-ta-ehecuta/