Page 43 - EXtra

Djaluna 14 Mart 2016 43

...Proyekto edukativo pa skolnan básiko...

DOLPHIN ACADEMY CURAÇAO KU

PROYEKTO “BAYENA I DOLFEIN”

WILLEMSTAD.- Pa e aña eskolar 2015-2016, Dolphin Academy Curaçao a bolbe
kuminsá ku su proyekto
edukativo “Bayena i Dòlfein”
(Walvissen en Dolfijnen).
Dolphin Academy a desaroyá
e proyekto edukativo akí pa
tur skol na Kòrsou. E meta
di e proyekto edukativo
ta pa laga tur mucha na
Kòrsou sera konosí ku nos
dòlfeinnan i ku bida den
laman ya asina nan por
yuda tene laman limpi i
konservá su habitantenan.
Dolphin Academy Curaçao
a traha algun pakete
di estudio ekstenso pa
alumnonan di grupo 3
te ku 8 na e idiomanan
papiamentu, ulandes i
ingles. E pakete no ta enserá
lès so tokante e tópikonan
menshoná anteriormente,
sino tambe ta inkluí bishita
na Dolphin Academy i na
Sea-Aquarium Park. Pa por
ofresé e proyekto akí na
un nivel óptimo, Dolphin
Academy Curaçao tin
mester di spònser. Dolphin
Academy Curaçao, mes ta
spònser 10 klas. Pa por
involukrá mas o ménos
70 klas Dolphin Academy
Curaçao tin komo meta pa e
proyekto aki, lo tin mester di
kontribushon di empresa- i
instansianan lokal i otro
personanan interesá pa
spònser un klas. Ta kosta
ANG 599,00 pa spònser
un klas. Komo muestra
di gradisimentu, Dolphin
Academy Curaçao lo duna,
entre otro, programa grátis
na e spònsernan. Empresa
òf instansia ku ta interesá
pa kooperá ku e proyekto
edukativo akí, por tuma
kontakto ku Luelle Wilson,
Koordinadó di Edukashon di
Dolphin Academy Curaçao,
na telefòn number 465-
8900, òf via di e-mail na
luelle@dolphin-academy.
com.

Muebleria Myriam Trading

Bo adrès pa fura muebles.
Tambe nos tin un surtido

di tela pa fura stoel
i tela pa kortina.

Winston Churchillweg 116
Tel.: 888-6690.