Page 5 - Min.ecem
P. 5
Pagina 6 Diamars Mei 12 2015
Lider di PDR, mr. Andin Bikker:
Tur tres fraccion den Parlamento a pidi pa Nelson English ta
na Aruba pa duna su recomendacionnan
Pa lider di Democracia
Real, mr. Andin Bikker, e
presentacion di Nelson
English ta un cu nos tin cu
considera di importancia,
mirando su papel cu el’a
hunga den pasado, como
CEO di Coastal Refinery.
E parlamentario ta sigui
splica cu Nelson English
ta waak oportunidad pa e
reapertura di e refineria. E
ta waak un speranza pero
tin hopi reto cu mester
surpasa , pero gobierno
mester bisa kico e kier. Un
di e posibilidadnan ta cu
e ta mira cu debi cu tin
exploracion den Shale
Oil, esey ta trece cu tin
oportunidad eyfor pa haya
crudo pa e refineria aki. Los
di esey, Valero a bisa cu
nan ta evaluando pa strip e
refineria, y e balor ta baha..
Si compara otro proyecto
pa traha refineria full di
nobo, compara cu esun di
Aruba, pa remodela, e lo ta
hopi mas economico pa tin
productonan final manera
gasolin, diesel, cu bo por
bende den e mercado
. Tambe pa bin cu un
comision unda expertonan
local y internacional y sin
duda e ta un di e expertonan
cu por yuda nos den esaki
pa haci un ultimo intento
pa reapertura di e refineria,
según parlamentario
Bikker.
