Page 85 - MIN VOS SEPT 11, 2015

Charla di salud organiza pa Aruba Medical

Assistance lo tuma luga dia 15 di September

on: Thursday, September 10, 2015In: LocalNo Comments
Print Email

Un grupo di profesional a wordo lanta pa cuminsa drenta barionan y duna charla riba tema di
salud. Otro siman diamars, dia 15 di September, lo bay tin un charla den Centro di Bario Playa
Pabao riba e tema di diabetes.
Azriah Palm, kende ta presidente di e organizacion Aruba Medical Assistance, ta splica cu e aña
aki a ranca sali cu algun charla. A haya cooperacion di dr. Ordoñez di Directie Volksgezondheid,
cu lo bay elabora di e malesa diabetes y despues lo bay tin sr. Barkmeijer di Centro di Dialisys,
cu lo bay papia riba esaki y tambe riba hipertension. Lo bay sigui mas charla di e indole aki den
transcurso di tempo.
Meta ta pa comunidad sa eyfo mas riba malesa y con pa preveni.
Palm ta gradici Centro di Bario Playa Pabao pa acerca e organizacion como e prome Centro di
Bario pa organiza algo pa comunidad. Ta pa e motibo aki nan ta haci’e cu mil amor. Ta haci un
yamada na publico pa tey presente. E charla ta di 7’or pa 9’or di anochi. Tin oportunidad pa haci
pregunta.
E intencion cu e organizacion tin ta pa acerca comunidad. Si tin mas Centro di Bario, nan ta
dispuesto pa haci charla pa comunidad. Esey tambe ta un di e nan metanan. Nan kier drenta
comunidad. No ta tur hende por yega un hotel y atende un charla. Aruba Medical Assistance ta
brinda e facilidad eynan.
Pa e aña aki a cera pa loke ta charla, pasobra tin basta riba agenda cu lo bay tuma lugar. Tambe
nan ta bezig cu Artsen Assistence, cu minimal un biaha pa luna nan tambe haya charla pa asina
eleva nan conocemento. Si ripara cu a bin un cambio den e asistentenan di dokter, awor aki nan
ta haci cierto tareanan bao di auspicio di e dokter di cas, na lugar di contesta telefon so. Eynan
por ripara cu no mester bay sinta mas un of dos ora pa warda riba dokter, pero e asistente mes
por haci cierto handeling chikito.