Page 59 - ARUBA BANK

Actitud anti sindical

Sindicalista, Rudy Geerman a bisa cu sigur FTA tin e mayoria. E ta encurasha e
trahadonan di CMB pa bay vota, y no laga gerencia di e banco influencia nan pa
medio di e reunionnan cu a bin tumando luga durante e ultimo siman. “Ta keda den
man di e trahadonan pa bin vota”, el a bisa. El a splica cu e trahadonan cu no a yena

formulario di FTA, pero cu tin invitacion pa bay vota, tambe por vota pa e sindicato.

FTA a lamenta e actuacion anti sindical di gerencia di CMB cu no ta mustra di
reconoce cu e trahadonan tin un derecho pa ta afilia na sindicato. Nan ta haya cu

despues cu gerencia a tuma un cantidad di medida, nan a sinti cu e trahadonan a dicidi
di uni y busca apoyo den sindicato. E ora ey nan a pone on hold e medidanan aki. E ta
haya cu e tipo di comportacion aki ta mustra cu ‘CMB ta actua mescos cu mucha
chikito’.

Segun e sindicalistanan, gerencia di e banco a hala e medidanan pa diripiente mustra
cu tur cos ta bon y cu e trahadonan no mester di sindicato mas. Presidente di FTA,

Hubert Dirksz a indica cu e tipo di actitud aki ta mustra net lo contrario, ya cu un
actitud asina ta haci cu e trahadonan mester ta mas convenci cu nan mester di un
sindicato.

Abogado Figueroa di FTA a bisa cu e efecto cu tabatin ora cu e trahadonan a bini

hunto contra cierto medida di gerencia di CMB tabata grandi. Esaki a haci cu gerencia
di M&C group (Maduro & Curiels Bank) a dobla y nan a hala atras nan medidanan.
Segun e abogado nan ta medidanan cu nan a tuma na fin di november aña pasa. Ya cu
den un contesta cu M&C group a manda pa FTA, nan a bisa cu e medidanan a wordo

tuma caba ‘y nan ta ireversibel’. “Esey ta loke nos a haya preto riba blanco na
cuminsamento di e aña aki,” segun e abogado.

FTA ta haci un apelacion na e trahadonan pa dia 1 di maart atende e referendum pa

asina nan por wordo representa. Segun e sindicalistanan e referendum aki lo tin un
impacto no solamente na Aruba sino na Corsou y otro islanan, ya cu ora bo tin
representacion di un sindicato, nan por sali na defensa di e derecho di e trahadonan.
“FTA ta para firme den esaki. Nos ta kere cu dia 1 di maart nos mester tin un

resultado positivo.”