Page 6 - ARUBA BANK

FTA ta lamenta e actitud aki di hendenan grandi cu ta maneha un banco. Siman pasa
diahuebs, pa di dos biaha, nan ta cera mita dia. Den e ultimo luna y mey ta un dia
completo a wordo perdi pa e clientenan ey. E ora ey cliente no ta conta, pa influencia e
trahadonan pa no bay vota pa sindicato, segun Geerman. E tipo di cosnan aki e sindicato
ta lamenta y kier recorda e trahadonan cu dia prome di maart tin un referendum cu lo
tuma luga na Oficina di Mediador, for di 2’or di atardi pa 7’or di anochi, esaki apesar cu
den e publicacion ta menciona e orario di te cu 6or.

FTA ta haci un apelacion na tur miembro pa haci uzo di nan derecho di voto. Tambe el a
bisa cu apesar cu un trahado no ta miembro di sindicato, si e haya e invitacion pa bay
vota, e tin e libertad di scoge pa FTA. E ta pidi e trahadonan pa haci uzo di e derecho cu
ley ta duna nan. E ta desmenti cu FTA ta preocupa cu e referendum aki, pasobra e
sindicato ta convenci di nan lucha pa e clase trahado pero na final di dia e decision aki ta
den man di e trahadonan. “Mas nos no por haci.”

Tambe el a bisa cu ta importante pa trahadonan di Aruba ta consciente cu debi cu e
empleadonan a dicidi di aserca sindicato, gerencia a manda un carta pa empleado di tur
nan banconan informando nan cu tur medida di austeridad anuncia ta riba “hold”. FTA ta
kere cu esaki tabata debi na e decision di e empleadonan aki na Aruba pa afilia nan mes