Page 59 - MIN,TTC APRIL 10,15

APFA y si kier continuidad, si kier pa e fondo di pensioen keda existi, mester di sanger nobo pa hinca
placa.
E cos aki din pensioen ta continuidad, manera el a menciona. Si no tin un opvolger pa sigui hinca placa,
ta yega momento cu e fondo ta crash. Esey ta loke a splica gerencia di AAA varios biaha caba, e
deseonan di e empleadonan pa drenta e fondo di pensioen di APFA. Hasta na 2010 a bay reunion cu
prome minister Mike Eman, kende a bisa cu gobierno ta sostene e pensamento eynan 100%, pero cu e
sindicato mester bring’e den e contracto colectivo.
Esaki ta algo cu un compania cu ta 100% di gobierno, gobierno mester para keto y bisa e hunta directiva
pa tur hende bay APFA. No laga e cos aki bira un discusion na mesa di negociacion di un CAO, pasobra
e por desemboca den un accion, aunke nunca STA a pone un accion pa pone aeropuerto plat, pero
segun de Cuba, esaki no mester ta motibo tampoco, pero si ta pusha pa varios aña largo cu un terkedad
increibel, si e biaha aki e portanan ta hancho habri, e reglanan di wega a wordo modifica caminda cu ta
masha simpel pa AAA drenta e fondo di pensioen pa e 100 y pico trahadornan pa bira miembro di APFA,
segun de Cuba no mester haci mucho bochincha cu esaki y laganan drenta e fondo di pensioen. E no ta
bay costa e compania mucho cos. Por ta e por costa un of 1.5% mas, cual e compania por carga
facilmente.
Aparte di esey tin varios cos cu tin cu wordo regla ainda, pero esey lo bay regla esey cu AAA.
De Cuba a splica cu semper AAA ta traha un sistema caminda cu nan ta presupuesta un cierto suma pa
e contracto colectivo venidero. AAA ta un compania cu ta pro activo bezig. Nan ta hopi bon bezig den
opinion di STA, caminda cu nan ta presupuesta locual cu e CAO lo por bay costa. E sindicato no mester
tin miedo di esey. Locual cu nan tin miedo di dje ta cu e proposicionnan di sindicato, por surpasa loke
nan tin presupuesta pa e contracto colectivo.
STA ta kere cu nan por topa otro y esey no mester ta un problema, e sindicalista a comenta.

http://masnoticia.com/sta-ta-bringando-pa-tur-trahador-di-aaa-ta-den-apfa/

Con ta midi turismo Venezolano cu ta bishita
Aruba

· Apr 9th, 2015
· Local

Hopi ta e kehonan comercial cu ta drenta bisando cu e mercado di Venezuela ya no ta esun di antes cu
ta gasta, sino ta turistanan cheap ta bin, pa cual aki a acerca directora di ATA, Ronella Tjin-Asjoe Croes,
kende a comenta e mercado di Venezuela ta uno sumamente importante y e di dos mercado mas grandi
pa Aruba y e merece su debido atencion.
Ta bin ta mira diferente tendencia den e ultimo añanan. Venezuela a crece graficamente pa Aruba. Si
mira e mercado di 2014, Venezuela a mustra un crecemento di 32% den aña 2014. Locual ta diferencia
dene reportenan mensual, ta mir’e tambe, ta un analisis mas profundo den e mercado aki.
A investiga varios cos. Un di e cosnan cu a bin ta comunica tambe, ta e diferencia entre e bishitantenan
di Aruba. Den e parti aki, por categorisa tres den opinion di Tjin-Asjoe-Croes, cual un di nan ta mira ta
crece for di aña pasa y ta esnan cu ta usa Aruba como hub pa sigui nan biahe pa Merca of pa Europa.
E Venezolano tin hopi limitacion pa loke ta trata biahenan internacional y capacidad aereo basicamente,
pa motibo di e politica di Venezuela local y e hecho cu aerolineanan cu a corta vuelo, minimalisa
frecuencia, pa motibo di e debenan pa e companianan aki ta astronomico. Hopi Venezolano ta opta pa
haci uso di e opcionnan limita cu tin, cual un di nan ta Aruba.
Oficina di Turismo ta midi esaki den e siguiente forma. Tin contacto cu aeropuerto den e caso aki y ta
purba di haya un bista di cuanto Venezolano ta haci uso di e US Customs na Aruba y con esaki ta fluctua