Page 67 - MIN,TTC APRIL 10,15

Centro di Bario Piedra Plat un orguyo pa Aruba completo

Publication: Friday, 10 April 2015. Categoria: General
Minister Otmar Oduber

ORANJESTAD (AAN): Minister Otmar Oduber a haya un recorido for di Sr. Franklin Bareño
diahuebs merdia, di e Centro di Bario Piedra Plat completamente remodela.
‘Mi ta hopi hopi orguyso mes cu loke ta tumando lugar aki na Centro di Barrio Piedra Plat,’ e
mandatario a bisa.
Minister Oduber a bisa di a wak e lugar aki crece y pa e bario di Paradera y Piedra Plat e ta un
centro hopi importante si mira e cantidad di mucha y hoben cu a worde educa pa haci e farm
system via Britania ta enorme.
E centro di barrio aki a crece di un organizacion chikito pa e organizacion cu tin awe, unda
centenares di muchanan y hoben ta train riba e veld aki, Minister Oduber ta bisa.
Mirando e inversion cu a worde haci tambe, ta sigur di aplaudi y felicita e derictiva y Sr.
Franklin Bareño pa e tremendo trabao cu ta worde haci pa eleva e calidad di Centro di Bario
Piedra Plat, cu poco poco a bay ta renobando ,expandiendo pa haci di e centro di bario aki uno
multi-funccional. Caminda awe por mira cu tin un ballroom, un area recreativo pa muchanan,
f&b y un veld di bala completamente nobo.
Hopi esfuezo a worde haci y hopi diferente fundraising a worde organiza, unda cada evenemento
cu a tuma lugar den e centro di bario a worde dedica pa asina aki logra nan metanan.
E mandatario a bisa tambe cu esaki ta posibel tambe danki na e sponsornan cu a sostene e centro
di barrio.
‘Pa mi tabata sigur un honor pa contribui na Centro di Bario Piedra Plat y na e veld cu a duna
honor na Sr. Franklin Bareño cu sigur a traha duro hunto cu su ekipo y voluntarionan cu
stimacion grandi pa loke ta trata e centro di bario aki,’ Minister Oduber ta bisa.