Page 27 - MIN ECEM

4 AWEMainta Diamars, 1 Augustus 2017

Partido ReD ta para pa bienestar di pueblo

Reforestacion pa bienestar di nos medio-ambiente

TA tempo pa cuminsa reforesta Aruba den forma integral.
Pa medio di departamento di LVV Santa Rosa por cuminsa
na prepara areanan cu ta desierto y despues zaai semiyanan
usando drones.
Lo ta ideal pa Stimaruba yuda coordina esaki ya cu nan tin
e conocemento di matanan endémica of apto pa cierto area,
segun e candidato di partido RED, Julie de Cuba.

Nos mester ta mucho mas creativo y inventivo con pa acu-
mula y retene mas awacero posibel den damnan, tankinan,
reservoirs, regenbak etc. etc. Y mester cuminsa haci mas uso
di awa di facilidadnan di RWZI y spoelwater di WEB.
ReD den su programa ta pone enfoke riba esaki pa promove
agricultura pa pueblo por haya fruta y berdura cumpra local-
mente y na prijs economico.

E parti di reforestacion ta hopi esencial pa contra-aresta ero-
sion di nos suelo. Un aspecto agradabel ta cu pa medio di
reforestacion integral ta hisa calidad di nos naturalesa y ta
crea sombra bao mata cu ta permiti pa hende por sali mas fe’i
di e solo cayente, haci picnic y respira aire fresco y saludabel.
Esaki na su turno ta promove salud di hende.

Bienestar di pueblo ta para halto riba agenda di Partido ReD.
Pesey lo Julie de Cuba lo sigui elabora riba e proyectonan cu
nos como partido ta desea di implementa pa bienestar di tur
habitante di nos pida baranca.

Boet pa manehador sin rijbewijs cu

tabata core brommer sin plach’i number

DIALUNA den oranan di at-
ardi, un manehador di brommer
a wordo para pa Polis motorisa na
Turibana.
Esaki ta relaciona cu e brommer
marca Harley Davidson no tabatin
plach’i number.

E manehador tampoco por a
mustra documentonan necesario
di e brommer, pa cual a opta pa
confisca dicho brommer. Ademas,
e manehador no tabatin rijbewijs
pa core e brommer tampoco. E
manehador a ricibi un boet p’e
infraccionnan aki.

Laga esaki ta un les pa tur esnan
cu kier riesga maneha brommer of
auto sin rijbewijs of documento.