Page 6 - MIN ECEM
P. 6
su motibonan tambe pakico e tardansa pa cual motibo Carubbian pa algun tempo no tabata
tuma luga.
Ministro De Meza a comenta cu Carubbian lo cuminsa back dia 24 di Augustus, di 6’or di
atardi pa 10’or di anochi. E lo ta e prome parti di Carubbian. E ta bay ta den un bachi nobo.
Un localidad nobo tambe, na e edificio di RdA, ex edificio di DOOV, caminda cu ta bay duna
un ilustracion di e ultimo 150 aña di San Nicolas su desaroyo.
E ta bay worde ilustra via Videomapping riba edificionan di San Nicolas. Manera Watertoren,
Nicolaas Store, y tambe edificio di RDA. Tambe lo bay mira si lo pone riba otro edificionan. E
ta bay haci un ilustracion masha bunita mes di e desaroyo di 150 aña di San Nicolas.
Den esaki tambe lo tin un show musical/cultural cu tambe lo tuma luga y tambe lo bay tin
cushina cu semper tabata tin, di e diferente culturanan cu tin na San Nicolas. Lo tin esnan
tambe cu ta bin cu nan trabaonan di artesania. Lo e haya e oportunidad di presenta esaki y
na mesun momento bend’e tambe. E ta bay ta den un bachi nobo.
El a dura un tiki mas largo cu a spera, door cu tin un board nobo den e Stichting y tin tambe
un situacion cu mester a worde drecha cu na momento cu de Meza a tum’e over, a tuma
nota cu tabata tin debenan sumamente grandi y no tabata tin placa pa paga e debenan ey.
