Page 19 - BNDIA ARUBA

A19
DEPORTE Dialuna 25 Juni 2018

Gabriel Diaz ta gana e 32nd Aruba Int’l Triathlon

ORANJESTAD -
Recientemente a tuma
luga e di 32 edicion di e
Aruba Int’l Triathlon.
Aki ta unda un total di 173
persona a participa cual
ta haci esaki un record.

Remarcabel ta cu varios
atleta a bini di exterior y haci
e evento aki uno di nivel.
E tri-atleta di Venezuela,
Gabriel Diaz ta logra gana
e competencia overall den
Olympic Distance cu un bon
tempo esta 1.58. 09 mientras
e hoben Giannon Eights
di Aruba ta triunfa den e
Sprint edition cu un PR
nobo marcando un tempo
di 1.02.02. Esaki ta segun e
fuente 297 Sports.

Den e categoria femenino
den Olympic esaki a wordo
gana pa Fiama Rodriguez
mientras den Sprint esaki
a bira e hobencita Rebecca
Jansen cu a sigur a presta
formidabel. E relay a ser gana
pa Flory Kock, Jonathan
Croes y Joswha Jansen.