Page 3 - Binder1

Exposicion di Club Kibrahacha y actividad pa mucha a atrae
grandi y chikito

Friday, 20 March 2015 21:20
Comparti

Talentonan di Scol di Musica di Edgar Kelkboom y Kibrahacha Boys a deleita un y tur dilanti di Museo
Arqueologico riba diarazon dia 18 di Maart. Gran cantidad di persona a bini hunto y a disfruta di tur
locual Museo tabata tin di ofrece riba e dia di fiesta aki.

Despues di a inspira nan mes den sala di exposicion, grandi y chikito a traha yabero di corki cual nan mes
a decora cu simbolonan “Amerindio”. Muchanan a traha animalitos di materialnan recicla pa decora e
“Trankera”, mientras cu otro a sigui pinta esaki. Hobennan a intercambia ideanan cu nos grandinan di
Club Kibrahacha riba e arte di pinta cuadra y fotografia. Hunto famia y amigo a goza di e ambiente dushi
y alegre y a saboria un dushi snack of cuminda crioyo di Watapana Pastry & Catering.
Esnan cu a saca potret cu e bunita ‘photoframe’ riba Himno y Bandera na Museo Arqueologico por up-
load esaki ainda riba e facebook page Archeo Aruba. Bisa tur bo facebook friends pa like bo ’18 di Maart
photoframe’ picture riba nos page y esun cu haya mas likes riba e facebookpage di Museo Arqueologico
promer cu dia 31 di Maart 12 pm ta gana un bunita premio educativo. Museo Arqueologico lo anuncia e
ganador promer cu dia 3 di April riba su facebook page Archeo Aruba.
Museo Arqueologico ta bisa danki y pabien na Club Kibrahacha pa e bunita colaboracion pa trece un
exitoso exposicion mas cerca na publico den cuadro di nan di 30 aniversario. Tambe ta gradici y felicita
Ministerio di Cultura, Departamento di Cultura y Arubabank como parti di e projecto conhunto “Bon
Bisiña” pa nan sosten pa haci nos dia nacional un biaha mas un dia di famia hopi exitoso. Un danki
grandi tambe na prensa di Aruba pa e cobertura amplio cu sigur a yuda trece hopi cara nobo na Museo
Arqueologico.