Page 52 - MIN ON

Ainda falta mas scol pa wordo atendi y drecha y sin duda cu Gobierno di AVP cu a mira e
importancia di esaki despues di ocho aña di negligencia total di parti di gobierno di MEP, lo sigui
ehecuta su plan pa drecha facilidadnan di scolnan na bienestar di nos studiantenan.

Recientemente cu inicio di aña escolar nobo, a habri su portanan pa prome bes den un edificio nobo y
hopi bunita, Princes Amalia Basisschool, cu sin duda a bira un scol impresionante mientras cu nos tin
cu bisa cu Rosa College na Oranjestad tambe a wordo renoba completamente y awe tanto alumno y

maestronan por goza di un ambiente agradabel pa haya y duna les. Por sigui purba di tapa wowo pa
tur e inversionnan den enseñansa y keda piki pieu, pero echonan ta papia pa nan mes y e edificionan
renoba ta papia pa nan mes.

Falta diferente proyecto di reparacion y renobacion pa inicia den proximo lunanan manera entre otro

Beatrix y Julianaschool y otro scolnan cu tin mester di renobacion adecuado y Gobierno di AVP sin
duda lo percura pa esaki tambe manera a bin ta haciendo ultimo ocho aña,” Parlamentario Jeffrey

Kelly ta declara