Page 18 - AWEM 29-Jan-2015

18 AWEMainta Diahuebs, 29 Januari 2015

Competencia “Dia
di Betico”, tabata
otro EXITO di
Barracudas Aruba

DIASABRA ultimo, dia 24 di januari, a tuma lugar un

competencia entre e atletanan di Barracudas. Esaki ta un
competencia anual, den cua e atletanan ta presenta dilanti
hurado, e diferente figuranan cu nan a siña.
Atletanan cu a participa t’e grupo di edad 12 aña y menos como
tambe e grupo di edad 13 te 15 aña.
Siguientemente e resultado di e competencia. E atletanan
ganador a ricibi cada un nan respectivo medaya for di man di sra.
Memita Tromp-Gomez, kende ta Presidente di Barracudas.
Edad 12 and under: Na di tres lugar: Janelly Piña; Na di dos
lugar: Sarah Silva y na prome lugar: Victoria Geurts.
Edad 13-15 aña: Na di tres lugar: Nathania Riley; Na di dos lugar:
Anastasia van Daal y na prome lugar a keda, Rizhaylee Bello.
Palabra di pabien na cada atleta cu a logra un medaya den e
competencia aki.
Un palabra di exito y perseverancia pa tur otro atleta den e
deporte di Landamento Sincronisa.
Pa mas informacion por like e pagina riba Facebook: Barracudas
Aruba.

Cabesantenan a finalisa curso

“Maneho
Pedagogico”

FIN di siman, Fundacion Pa Nos Muchanan un biaha mas a

clausura e curso cu ta asisti e centronan di cuido y guia di mucha
den formula nan vision y mision pedagogico.
Ademas pa traha un plan di trabou p’asina optimalisa e calidad
di cuido y guia cu nan ta ofrece na muchanan y e servicio na
mayornan.
Centronan cu a participa ta: ” Billy’s Speelschool”, “Smile and
Shine Peuterschool”, De kleine ontdekkers” y “Pasa dushi, Pasa
Pret Peuterschool”.
Te asina leu 49 centro di mucha a haci e curso aki bou guía di e
fundacion.
FPNM ta felicita e nan cu e tremendo logro aki y ta spera e 49
cabesantenan bek riba 30 di april hunto cu nan team pa sigi
traha riba nan Maneho Pedagogico.