Page 29 - AWEM 29-Jan-2015

AWEMainta Diahuebs, 29 Januari 2015 29

Banda di St. Eustatius

A scapa 2 persona y otro a hoga
banda di Corre Bay

E Centro di Rescate y Coordinacion (RCC) di Guardacosta di

Caribe Hulandes (KWCARIB) a haya informacion dia 27 januari
ultimo, informacion di Polis di St. Eustatius cu un boto lo a bolter
na Corre Bay, cu ta keda den becindad di Aeropuerto.
Abordo lo tabatin 3 persona. Un super-RHIB cu tin su punto di
sosten na St. Maarten, a ser dirigi cu maximo urgencia p’e sitio y
a yega masha liher tambe.

Dos di e personanan aki riba nan propio forza por a landa y a yega
tera, pero lamentablemente e di tres persona, kende no sa landa
bon, a resulta di a hoga.
E personal di e super-RHIB a logra saca e restonan mortal for di
awa y a pasa esaki n’e Polis di St. Eustatius, kendenan tambe tabata
presente cu nan boto, ‘Waterman’.

E tripulantenan di e boto cu a bolter, tur ta procedente di St. Kitts
y nan ta conoci n’e isla como piscador. Autoridad di St. Kitts ser
notifica di e hecho lamentable aki.