Page 32 - MIN ECEM

AWEMainta Diahuebs, 28 September 2017 23

Carubbian Festival un exito di comienso te fin

E afamado Carubbian Festival a demostra desde su gran entrada pa
2017 di ta un festividad icono na San Nicolas pa local y bisitante
internacional.

Desde e inicio di Carubbian Festival na augustus e cambionan cu a
wordo haci a cay na agrado sigur di comunidad completo, unda ya caba
por calcula mas di 10 mil bisitante cu a bay San Nicolas pa celebra
e Herencia Cultura di e cuidad presenta den un show den un bachi
completamente nobo.

Comentarionan riba caya y di nos bishitantenan ta sumamente posi-
tivo, mirando cu hasta e setup di e VIP a cambia, y ta brinda e turista
e posibilidad pa conbersa cu e local; unda hunto nan ta goza, baila y
disfruta.

Pa loke ta trata e area arteanal por a tuma nota cu tin hopi atencion
pa brinda oportunidad na artesanonan local pa por promoiona nan
arte, conhutamente cu e empohe di Cosecha ta conta cada bes cu mas
y mas artesano.

Carubbian Festival ta tambe hopi conoci pa su ‘foodcourt’, siman
tras siman esaki a sa di capta hopi atencion cu un variedad grandi di
cumindanan for di diferente parti di region cu sigur ta forma un parti
di e autenticidad di San Nicolas.

Mas cu claro tin hopi mas cu tur esaki na e festival. Sigur tur diahuebs
ta dia pa celebra na Carubbian cuminsando ya caba di 6’or di atardi
pa 10’or y mey di anochi.

E siman aki lo no ta diferente unda cu lo tin rib’e esenario grandi
Popcorn Dancers, y Caribbean Band. Entrada completamente gratis.