Page 89 - MIN ECEM
P. 89
Tur aña, Dia Maritimo Mundial ta wordo celebra cu un tema diferente. E tema di e aña
aki ta
“Conectando barconan, puertonan y hende”. E tema cu a wordo scogi ta permiti nos
ilustra e
cooperacion existente cu nos puerto y barconan pa asina mantene y mehora e sistema di
transporte maritimo pa uno sigur y eficiente. Comercio mundial ta hasi uzo di alrededor
90% di transporte maritimo pa asina por transporta nan carga di un lugar pa e otro. Sin
transporte maritimo, lo no ta posibel pa importa of exporta carga di gran escala, 99% di
importacion di productonan pa Aruba ta pasa via laman. Durante un discurso relaciona cu
Dia Mundial Maritimo e anja aki, e Secretario General di IMO, Sr. Kitack Lim a pone
enfasis riba e rol grandi di IMO. Esaki ta pa mehora e industria maritimo mundialmente
pa ta consistente, pa asina por regula y facilita e fluho den comercio. E importancia di
transporte maritimo ta e parti mas esencial di commercio international; cu ta suminstra
tur persona rond mundo cu productonan primario, combustible y productonan cu mundo
ta depende tur dia di nan.
Minister de Meza tambe kier pone enfasis riba e importancia cu e sector maritimo tin pa e
comercio di Aruba. Alaves ta felicita y duna reconocimento na henter e sector maritimo y
logisitico di Aruba riba Dia Maritimo Mundial 2017.
