Page 20 - KPA

Alto Comisario Dolfi Richardson A Anuncia Algun

Cambio Sorpresivo: Trudy Hassel A Bira Hefe Di

Recherche Y Vanessa Kock-Tjon Di Bijzondere

Diensten

 Local
- 15/08/2017

Entrante 1 di september awor, Cuerpo Policial di Aruba conoce algun cambio, cu ayera
tardi a keda anuncia den forma sorpresivo. Sigur ora cu Alto Comisario Dolfi Richardson
a anuncia cu entrante 1 di septembe awor, Comisario Trudy Hassel ta bira Hefe di
Recherche, y cu Comisario Vanessa Kock-Tjon, kende pa basta tempo tabata Hefe di
Recherche ta bira Hefe di Bijzondere Diensten.Pakico e cambio aki no ta conoci, pero e
no por ta pa motibo politico, pasobra cu Rocco Tjon, a subi lista di MEP, pasobra
maneho y cambionan ta competencia di Alto Comisario y un Minister di Husticia, den e
caso aki, mr. drs. Arthur Dowers no ta mete cu maneho diario. Maske cu algun dia caba
tabata circula informacion cu Comisario Vanessa Kock-Tjon no por sinta mas den
Comando Kamer, pa motibo di conflicto di interes, ya cu su esposo a subi lista di MEP y
a bira politico activo. Pero de facto, siendo Comisario di Bijzondere Diensten, no ta kita
cu Vanessa Kock-Tjon no por forma parti di Comando Kamer.

Banda di e cambio sorpresivo aki, a keda anuncia tambe entrante 1 di september awor lo
tin varios cambio den tur districto, pa loke ta maneho diario, cu nos lo anuncia mas
despues.