Page 40 - KPA
P. 40
Motociclista a dal señora na pia y a bay laga
victima atras
- Advertisement -
ORANJESTAD(AAN)– Riba L.G Smith Blvd dilanti Bestuurskantoor diamars merdia un
señora tabata crusa caminda y un scooter bahando for di pariba a dal e señora y e
homber riba e scooter a dal abou tambe.
El a lanta y bay wak e señora y a bisa testigonan cu a wak e desgracia tuma lugar cu e
tin cu bay debi cu e tin famia malo. Un homber no a gusta e actuacion di e motociclista
y tabata apunto di bringa cune pero e motociclista a subi scooter core bay.
Polis di trafico tambe a presenta na e sitio pa tuma datos di e accidente. Un personal di
cruz cora tabata cerca y a duna un man mientras tabata warda ambulance un rato
basta bon pa presenta y asina atende cu e victima.
