Page 35 - MIN ON
P. 35
Aruba tin espacio pa mas
crecemento den scolnan
9 August, 2017
0
Ta conoci cu na Aruba, tur cos ta concentra pabao, mientras cu pariba tin
espacio. Problema ta keda cu hopi hende no kier bay pariba pa motibo di
distancia. Sra. Josette Daal, directora di SKOA ta splica.
Ta un reto pa pais Aruba pa wak enberdad e desaroyo kico ta spera pais Aruba
den desaroyo economicamente, si enberdad lo bin mas famia busca trabao den
e region aki. E ora ey pais Aruba lo mester prepara ya cu nan lo bin cu nan
famia y lo mester busca cupo pa e muchanan aki haya enseñansa. Den caso di
scolnan Catolico, scolnan pabao ta yen, pa cual Maria College a bin cu un
dependance. Pa loke ta pariba di brug, tur scol pariba ta menos yen. Tin dos
cos: e yiu tin 12 aña, semper e mayor a hib’e scol y awo e mester subi bus bay
pariba y ta di compronde cu e mayor ta preocupa. Un otro punto tambe ta e
trafico cu ta hunga un rol. E flow di trafico no ta locual nos ta desea
actualmente. Cu tanto desaroyo cu tin actualmente, Sra. Daal ta kere cu ora tur
e proyectonan ta cla, e flow di trafico lo ta mas miho. Eseynan ta cosnan,
retonan cu mester tene cuenta cun’e.
