Page 87 - KPA MAY 26

Husticia: A detene 14 sospechoso caba den caso di
droga
Tuesday, 26 May 2015 11:13

Comparti

Ministerio Publico di Aruba, bou guia di Fiscal mr. Schwengle y e ekipo elite di Polisnan. Di e seccion di
Crimen Organisa ta conduciendo un caso grandi di droga na Aruba. Ayera Polis a informa cu te atardi
tabatin 7 detencion, pero e cantidad a subi te cu 14 den oranan di anochi.

For di fuentenan cerca di e caso nos a compronde cu di e 14 sospechosonan deteni, 4 di nan tabata
stranhero sin un permiso di estadia riba nos isla, pa cual a pasa nan mesora pa Warda nos Costa. E 10
detenidonan cu a keda ta varia di nacionalidad, pero ta inclui 1 Arubiano.
E accion relampago cu a tuma luga ayera a encera detencion den auto riba caminda y na 3 diferente cas
situa na Oranjestad, na Tanki Leendert y na Santa Cruz.
Manera cu a informa ayera caba den forma di primicia, entre e sospechosonan deteni ta figura e
comerciante di fam Nahar, biba net dilanti Juliana Park. For di e cas ey na Playa a bay cu dos sospechoso.
Te ainda no por bisa cu exactitud cuanto droga a logra kita for di mercado, pero nos fuente ta menciona cu
e cantidad di considerabel. Mescos ta un cantidad grandi di placa efectivo cu a haya den e casnan. E
pruebanan ta demostra claramente cu ta un operacion grandi di droga tin aki tumando luga na Aruba, sea
ta pa e mercado local of cu intencion pa exportacion.
Husticia ta determina pa sigui riba e caso aki, cu lo por inclui mas detencion den e dianan nos dilanti.

http://www.24ora.com/policial-mainmenu-8/95551-husticia-a-detene-14-sospechoso-caba-den-caso-di-
droga