Page 96 - KPA MAY 26

Buskeda grandi den Seroe Colorado pa
grupo di persona cu a horta na Baby Beach

Policial
26 May, 2015

Mientras cu den lama na Baby Beach tabatin turista y mas hende ta gosando tabatin un grupo di
alrededor 4 persona ta horta pertenencia na canto di lama. Un ciudadano atento a mira e
movecionnan y a core yama Polis, di cual central di polis cu a ricibi e yamada a dirigi patruyanan
cu urgencia. Patruyanan di San Nicolas y tambe Visibility Team a responde di biaha na e yamada
y tene un buskeda grandi den area di Seroe Colorado. Te asta K9 Unit cu nan cacho a cuminsa
busca full rond. Un agente policial polis di bario for di su horario di trabou cu a scucha e yamada
di su coleganan tambe a sali pa duna un man y a logra gara un di e sospechosonan. Oficialnan a
sa di yega rapidamente unda e sospechoso ta y a tuma esaki over detene. Te asta un duikbrill a
logra haya den e caminda cu e sospechoso a cana cual polis a tuma esaki den beslag cual
posibelmente lo por ta di e turistanan na Baby Beach.