Page 11 - HOH MAY 22

ImSan ta celebra su segundo lustro

Dia prome di juni proximo ImSan ta celebra su segundo lustro. Instituto Medico San Nicolas
a wordo institui pa medio di un ordenanza nacional cu a drenta na vigor dia prome di Juni
2005.

ImSan de facto a cuminsa cu e ambtenaarnan cu tabata traha na e departamentonan di
gobierno esta Centro Medico dr. Rudy Engelbrecht y Ambulance cu pa medio di e
ordenansa menciona a wordo poni na disposicion di ImSan.

Poco poco segun e servicionan cu ImSan tin cu duna na bienestar di e comunidad Arubano
a aumenta, manera por ehempel centro diabetico, specialista di wowo y centro di dialisis.
ImSan a cuminza tuma su mesun empleadonan den servicio.

Desde aña 2013 tur e personal cu ta traha na ImSan ta den servicio di ImSan mes, tur tin
un contracto di trabou cu ImSan.

ImSan tin actualmente 148 empleado den su servicio cu ta e pilarnan di ImSan cu hunto ta
traha na calidad, mehoracion y progreso. E trahamento y pensamento consecuente segun
e balornan nucleo, finalmente ta duna un ambiente di trabou agradabel den cua e
empleadonan como colega por conta cu otro y unda hunto ta haci nan best pa cada biaha
duna e pashent/clientenan un mihor ayudo y servicio.

Den cuadra di e celebracion di su segundo lustro y como muestra di aprecio pa e excelente
trabou di su empleadonan na bienestar di e comunidad Arubano ImSan lo bay organiza
diferente actividadnan pa nan.

ImSan ta haya na su luga pa tambe gradici tur e mandatario, e director y ex empleadonan
di ImSan cu di un manera of otro a contribui na unda ImSan ta awe.