Page 3 - KPA JULY 13

Pagina 2 Dialuna Juli 13 2015

Polisnan a detene e supuesto atracadornan di turista!

Diasabra mainta birando

merdia un cantidad di

polis a bay direccion

Tarabana, pa ta exacto

na Maripampunstraat.

Polis a haya informacion

cu e v-car horta pa

atracadornan V-1181

Chevrolet Aveo lo

ta den Fiyostraat

cu Maracastraat.

Aparentemente esnan

den e auto a bay busca un

problema cu e auto horta

na un cas eybanda.

Varios unidad di polis
a drenta Tarabana y
den algun minuut un
patruya a spot e auto di
huur. Esaki tabata den
Maripampunstraat. Dos
ocupante a baha y core;
uno a bay direccion
Tangerinastraat y e otro a
spanta y keda para, pero
toch despues a core pa
polis y drenta un cura di
cas. Polisnan a drenta su
tras y a deten’e, mientras
tanto e otro ocupante a
ser deteni pa unidad di K9
.
Ambos ta ser sospecha
di a atraca y maltrata un
turista cu a bin pa Aruba
Hi-Winds diasabra mainta
tempran na Lighthouse.
Recherche di Atraco Team
tambe a yega na e sitio.
Ambos hoben a ser hiba
mesora pa Frankrijkstraat,
esta departamento di
recherche. E di tres polis
eventualmente lo detene.

E personanan aki
posiblemente ta e mesun
nan cu a atraca un dama
pabao di Codemsa
diasabra mainta.