Page 3 - EXTRA 9 NOV,2015
P. 3
Djaluna 9 Novèmber 2015 3
...den un deklarashon
públiko...
YS NO TA
DISPONIBEL
WILLEMSTAD.- Den fin
di siman e nòmber di èks
premier Etienne Ys a zona
masha hopi, den sentido ku
partido PAR lo a aserká nan
èks lider pa asumí funshon
di minister di Ekonomia
den kaso ku PAR bai leim
gabinete Whiteman. Etienne
Ys den un deklarashon
públiko riba Facebook a
bisa bon kla ku e no ta
disponibel.
Ys a indiká ku el a tuma
nota ku ta menshoná su
nòmber i tambe el a haña
masha hopi yamada i app.
El a sigui skibi ku e mester
desapuntá algun hende,
miéntras ku pa otronan lo
ta un alivio di tende ku PAR
no a aserk’é niun momentu
so pa okupá niun funshon i
banda di esei e ta splika ku
e no ta disponibel tampoko.
Ta un amigu di dje den
prensa so a tuma kontakto
kuné riba e asuntu aki, niun
hende mas. Pa loke ta trata
e desaroyonan polítiko Ys
ta bisa ku gobièrnu a kai i
ta gobernador ta esun ku
mester aktua awor.
Ta un senario
kompletamente nobo. Un
gabinete di minoria, segun
Ys no por lapi su mes. Tur
ninichi mester bai bèk den
e doshi ora di negoshá.
Ys ta bisa ku e lo sigui
e desaroyonan ku hopi
atenshon.
