Page 7 - UTILITIES, JUNE 18 2015

AWEMainta Diahuebs, 18 Juni 2015 9

Algun di e proyectonan aki ta sirbi no solamente como ehempel y
motivacion pa nos comunidad, pero tin influencia directo riba con
Aruba den su totalidad ta anda cu e tema sostenibilidad y pa cu e
reduccion di nos “carbon footprint” colectivo.
Algun ehempel di e ultimo añanan t’e programa “Hunto nos ta
spaar”, e servicio di meter di coriente prepago di N.V. Elmar,
introduccion di luznan LED pa caya, e Solar Park na Aeropuerto
Internacional Reina Beatrix y e instalacion di panelnan solar
na scolnan, casnan cuido y organisacionnan manera YMCA y e
edificionan multifuncional den diferente bario.

Green Aruba ta un conferencia hopi conoci den nos region, unda cu
ta trece hunto expertonan den e area di inovacion y desaroyonan
riba e tereno di energia alternativo y sostenibilidad. Gobiernonan,
companianan di utilidad, negoshi y institutonan di estudio
mundialmente reconoci ta topa na Green Aruba pa intercambia di
idea, pa discuti y explora oportunidadnan pa nan organisacionnan,
semper buscando alternativa y solucionnan pa un mundo sostenibel
y mas limpi. Aruba a conoce y ta conociendo hopi desaroyo den
e area di uzo di energia sostenibel y renobabel cu ta interesante
particularmente pa otro islanan den Caribe.
Hopi isla den Caribe ta siguiendo e pasonan di Aruba di serca
como un ehempel pa nan sigui pa haci e transicion di produccion
tradicional di awa y coriente pa medio di recursonan fosil, pa un
forma mas sostenibel of un combinacion di nan dos.

E meta principal ta pa mitiga e influencia di cambionan drastico
den prijsnan di crudo y productonan deriva di crudo riba mercado
mundial cu e nan no tin control riba dje, pero cu ta influencia e
economianan di isla y paisnan chikito enormemente.

Green Aruba como conferencia mes a keda fresco y inovativo den su
presentacion, kedando cu e enfoke semper riba energia sostenibel
y tecnologianan cu ta provee e solucionnan necesario pa probecha
lo maximo di e energia cu naturalesa ta provee.
Den e caso di Aruba e enfoke ta keda principalmente riba energia
di solo y biento. Green Aruba ta wordo organisa
dor di Utilities Aruba N.V, WEB Aruba N.V, N.V
Elmar, TNO, Rocky Mountain Institute (RMI)
y Carbon War Room (CWR), Clinton Climate
Initiative (CCI) y IRENA (International
Renewable Agency) p’asina comparti
conocemento cu por hunga un rol
importante den e proceso y desaroyonan
di nos pais y pa Caribe y Latino America.