Page 10 - AWEMAINTA OCT 17 2020
P. 10
10 AWEMainta Diasabra, 17 October 2020
Dama chauffeur burachi a causa accidente
y ta bisa Polis cu ta awa so el a bebe
DIAHUEBS anochi pa mas o menos 10:30 Polis a
wordo notifica di un auto cu tabata coriendo hopi malo
riba e caminda di Tanki Leendert.
Polis mester a bay cu urgencia debi cu e Honda Civic
aki tabata coriendo asina malo cu nan tabata teme cu
e un ora pa otro e lo accidenta. Locual algun minuut
prome nan tabata teme, a bira realidad.
E Honda Civic color shinishi a dal contra un Suzuki.
Un impacto hopi fuerte, unda cu el a ranca e wiel com-
pletamente di e Suzuki banda robes patras y alabes
rancando wiel di e Honda tambe.
Despues di e impacto e Honda a sigui bay ‘riba y keda
na un distancia grandi di unda inicialmente el a ac-
cidenta.
Polisnan cu a yega a topa cu un dama na stuur di e
Honda. E dama tabata sumamente alegre y a bisa
agentenan cu ta hopi awa el a bebe, mientras cu e
agentenan tabata haya holor fuerte di alcohol indican-
do cu e dama ta bastante burachi cu e no sa mes kico
tabata pasando.
Agentenan a splike cu e ta bay wordo deteni y a bise
su derechonan. Transportwagen tabata otro banda di
caminda wardando pa bay cu e dama.
Polisnan diariamente ta haya nan confronta cu chauf-
feurnan iresponsabel cu ta subi tras di stuur, sin sa cu
nan lo por causa un accidente fatal, matando hende
inocente.
Mesun cos cu el a dal contra e vehiculo aki, mesun cos
e por a dal un peaton, un bromer of un ciclista mata.
