Page 8 - Aweminta

8 AWEMainta Dialuna, 29 Februari 2016

Diahuebs awor

Busca bo auto nobo n’e edicion nobo di
Autonights di Garage Centraal Aruba

DIAHUEBS awor, Garage Centraal Aruba lo trece

un edicion nobo di Autonights, unda lo warda un y
tur entre 6’or di atardi cu 9’or di anochi, y ta duna un
oportunidad n’esnan cu desea di busca un auto nobo
of segunda mano pa haci’e den e comodidad di un
horario mas liber di ocupacionnan cual ta anochi, y
cu banconan presente.
Manera semper, lo tin disponibel un stock amplio di
auto di marcanan Hyundai cu Isuzu, di tal manera cu
esnan cu haya aprobacion no tin nodo di warda pa
lunanan largo prome cu nan haya e auto nan desea.
E auto mas relevante e biaha aki t’e Hyundai Elantra.
Esaki a haya un redesign completo, cual ta resulta den
un look hopi mas agresivo y dinamico, resultado di e
siguiente generacion di e filosofia di diseño cu Hyundai
a yama “Fluidic Sculpture 2.0”.
Su interior ademas ta mustra tambe un vision
totalmente nobo pa locual t’e manera con e interior ta
traha, y en particular con e diferente instrumentonan
ta agrupa cu otro di tal forma di haci lo mas facil posibel
e operacion di e auto.
Tur detayenan a ser pensa, for di e angulo den cual e
instrumentonan ta bira den direccion di e conductor,
te cu e zonido y e feeling di e botonnan den e auto.