Page 24 - AVB
P. 24
Estrella y Britannia a empata den
un wega cu mas incidente cu gol
11 June, 2018
0
E wega aki ta crucial pa Britannia ya cu nan tin un punto so den tres wega di
Play-Off, Estrella cu seis punto ta en busca di tres punto pa bira e lider nobo
riba tabla di clasificacion. E prome wega entre e dos rivalnan aki cu Estrella a
gana 2-0 a caba den e controversia di e elegibilidad di Jean-Pierre Van der
Linden, causando controversia den futbol.
Britannia a cuminsa den atake, vooral riba e halanan, pa crusa bala den area
penal, usando nan velocidad pa cu esaki. Nan homber principal cu ta hunga di
links pa rechts y e motor di nan ofensiva ta Luis “Coco” Estrada, na minuut 8
caba Coco ta pone un bala den ‘doelgebied’ cu cuater hungado di e pumanan y
Alexander Moreno a logra pone un cabes riba e bala despues cu e defensa di
