Page 59 - MIN ARENDS

Tin reunionnan cu e sindicatonan tur kwartaal y ta presenta tur e cifranan. APFA
ta un fondo di pensioen. Nan no por garantisa e pensioen. Pero si ta wak e
grado di cobertura, si ta mira e proyeccionnan, bo ta wak cu e fondo ta stabil na

e momento aki.
APFA no tin problema financiero. Nan ta plus caba. E unico cos cu nan mester

acumula ta e reserva y mester di un reserva di mas of menos 9% y tin e
reserva di mas cu 7% caba. Tin un periodo basta largo cu tin pa acumula e

reserva.
Loke ta hopi importante pa por recupera ta e inversionnan y e rendimento riba

e inversionnan y na e momento aki e inversionnan den exterior ta bayendo hopi
bon. Tin un reto den e mercado local, na unda cu ta wak cu no tin hopi
proyecto. Pero como fondo di Pensioen si ta bezig na e momento aki activo pa

busca otro tipo di proyecto pa genera placa. Tambe pa sostene e desaroyo di e
economia di Aruba.

Un discusion cu van Veen a sigui, ta esun di bahamento di edad di pensioen.
APFA tey pa ehecuta e areglo cu ta basa riba e palabracion entre sindicatonan y

e dunado di trabao. Si e partidonan ey ta dicidi pa cambia e palabracionnan cu
nan a haci na 2014, APFA tey pa scucha, nan tey pa wak con por yega na un

areglo nobo.
Na e momento aki APFA tin e cobertura pa paga a base di e edad di pensioen
awor aki. Awo si partidonan kier haci otro areglo, nan mester haci

palabracionnan tambe con nan ta bay financia esey. Ken ta bay paga pa esey.
APFA ta eynan pa ehecuta y mester warda si en berdad e Gobierno cu ta bay

forma awo ta desea pa haci otro palabracion of haci cambio. A base di esey lo
haci e calculacion y tambe lo presenta kico e ta bay costa.

Awor aki tin 6500 persona cu ta acumulando pensioen ainda. Tin mas of menos
11 mil participante y tur aña ta mas of menos 200 pensionado ta bin acerca. E

cifra ta bay keda subi y pa aki 10 aña e lo ta basta halto. Awor aki si tin un
dekkingsgraad di mas cu 100% tin placa reserva pa tur hende pero ta den un
pot grandi.

Van Veen ta recorda tur participante y pensionadonan cu diaranson nan tin nan

reunion general di participantenan. Ta spera cu tur bay bin. Lo bay presenta