Page 57 - KPA Feb 17, 2015

Comparti

Diasabra net algo prome cu mey anochi a sosode un situacion unda polisnan y team di recherche mester
a sali na careda for di Village. Esaki den e area di Caya St John.
Mas trempan banda di 8or pasa a sosode un caso di brigamento unda te hasta tabata tin tiro cu lo a cay.
Ta wordo papia cu bala a herida un hende. Na prome instante polisnan a bai na e sitio y atende e
situacion pa haya informacion. Masha informacion no por a haya. Ta bisa cu bala a perfora of raspa un
persona. Ta calcula cu ta gruponan di San Nicolas mes cu lo tin problema cu otro. Algo prome cu mey
anochi a haya cierto indicacionnan cu mester a bai bek na e sitio cu recherche. Polisnan uniforma a yega
prome na e sitio y nan a sera e area di Caya St John. Durante cu recherche a yega y wardando riba e team
tecnico a bin un atake sorpresa riba e agentenan presente. A cuminsa manda baranca riba nan y pa nan
mesun seguridad a sali mesora for di e area. A notifica e team di Riot cu ainda tabata riba pia. Nan a sali
mesora den direccion di San Nicolas bek. Eynan a reuni banda di Gate di Valero unda a prepara pa
drenta Village bek cu Riot Team. A cuminsa move tur hende cu tabata aglomera den e area di entre otro e
basketball court. Na e sitio unda recherche mester a investiga tabata tin cierto marcanan of evidencianan
importante pa e caso cu tabata wordo atendi relaciona cu e tiramento di mas trempan. A haya posibel
marcanan di sanger etc cu ta wordo sospecha di ta di un victima den e problema cu a surgi. Relaciona cu
e caso aki no tin ningun detencion a cay y te asina leu parce cu e victima mes no a yega na Hospital pa
atencion medico.

Comentarionan (6)

Mustra/Kita comentarionan
kioo
February 16, 2015
2 0 1 .2 2 9 .5 9 .1 7 2
Votes: +0