Page 66 - KPA Feb 17, 2015

Comparti

E problemanan na San Nicolas parce entre e gruponan ainda no tin final. Awor tin arma di candela den
wega tambe.
Diasabra e team atento di Riot coriendo e ruta di parada a mira con tres homber ta baha di un Yaris den
Pastoor Hendrikstraat cu cara tapa y drenta un cas. Nan a manera bula cura bai aden. Mesora e team a
baha di nan van y cu arma den man a drenta e cas tras di e tres hombernan aki. A pone arma ribanan y
obliganan drumi plat na tera. A detene tur tres. E tres hombernan aki a bin pa likida un habitante den e
cas. Nan a drenta y cuminsa puntra pa un habitante. E mama a bisa cu e yiu no tey. E problema aki a
sosode net un rato despues di e tiramento den Village. A hiba tur tres sospechoso warda di polis. Nan a
listranan y no a haya arma riba nan. A busca tur caminda pero no a topa cu arma. Si nan tabata cara tapa
segun e prome informe cu e polisnan a duna. A confisca e Yaris blanco cu nan tabata coriendo cune. Mas
cu un testigo na e sitio a bisa cu e tres personanan aki a drenta y ora a puntra pa e persona cu nan mester
a menciona di blaas. Cu otro palabra e palabra aki nifica cu nan ta bai elimine of mate. Esaki ta e
terminologia di caya cu bo ta blaas un hende dor di tire mata. Recherche di San Nicolas tin total atencion
pa e caso aki.

Comentarionan (3)

Mustra/Kita comentarionan
Rasona
February 15, 2015
2 0 1 .2 2 9 .8 0 .5 8
Votes: +2
...
Aruba di 5 strea.......