Page 76 - KPA Feb 17, 2015

http://www.24ora.com/policial-mainmenu-8/91842-polis-a-detene-tumberita-hubenil-durante-carnaval

Ruta a cambia pero detencionnan a keda hopi

Sunday, 15 February 2015 22:24
Comparti

Aunke e ruta a cambia e cantidad di detencionnan no a cambia. Loke si a cambia ta algun sitio di
detencion. Si antes e cantidad di detencion tabata gran mayoria Adriaan Lacle Blvd bai abou, awor e cos a
bira di Juliana School bai ariba te na Entertainment Center.
Eynan e detencionnan a cuminsa cay. Ya caba na final di carnaval e mayoria peleanan y detenecionnan a
tuma lugar. Parada a cuminsa 12or y e prome detencion riba e ruta tabata algo pasa di 3or. E
detencionnan a varia masha riba e motibonan. Tabata tin detencion pa pelea, detencion pa nenga ordo di
polis, detencion pa agresion, detencion pasobra a cruza baricada bin den ruta y falta respet ora polis
manda bek patras di baricada. E detencionnan ta varia di edad jong te cu adulto. Entre esnan deteni tin
cordinador di gobierno, ex polis, empleado publico etc. A haci detencion pa pocesion di droga tambe y
buracheria publico. Fiscalnan na warda tabata basta ocupa y polisnan riba caya tabata atento pa cierto
grupo cu tabata purba busca confrontacion cu otro pa regla cuenta. Polis a zorg pa esnan cu si a bin
carnaval pa goza por a haci esaki cu tur trankilidad. Sub Fiscalnan na warda a traha henter anochi
preparando e papeleo di cada persona deteni pa asina fiscal fiha e multanan. Ta calcula alrededor di 30
detencion.