Page 39 - KPA - MAY 21, 2015

Hoben sin rijbewijs y sin respet deteni coriendo auto

Wednesday, 20 May 2015 21:09
Comparti

Tin hobennan awendia cu nan ta kere cu nan por ofende polis y haci cosnan illegal riba caya. Pa colmo
nan ta kere tambe cu tur hende mester keda keto y laganan haci locual cu nan kier tambe. Polis tin hopi
pasenshi cu cierto tipo di hobennan cu parce na cas nunca a haya educacion.

Den e caso aki un agente policial encarga cu Polis di Barrio tabata den e area di Ponton. El a mira un
Tercel color cora para cu glas preto y medio glas baha. E auto tabata tin dos hende den dje cu tabata
manera sospechoso cabez abou. E agente a pasa bek y e auto ta para keto bai mesun caminda. Despues e
auto a cuminsa core drenta Pita Straat y a dune ordo pa stop. E logra pare. Den e auto tabata tin tres
hoben. Un damita y dos homber di cual esun na stuur no tabata tin rijbewijs. Ora a stopnan e dos
hobennan a cuminsa ofende e polis den tur forma. Insulto tras di insulto. Esun na stuur y sin rijbewijs no
kier a duna nomber y a lock su mes den auto. Otro polisnan a bin y a bai over mesora na detencion. A
pone boei na su man y bai cune warda. E auto a keda confisca. Segun e hobennan ta coy loco pasobra e
auto ta sigura. Nan ta asina sabi cu nan ta kere cu coriendo auto sin rijbewijs pero sigura y si algo pasa e
seguro lo cubri e daño. Nan ta hopi robez. Un auto cu chauffeur sin sin rijbewijs e seguro no ta paga si bo
ocasiona accidente. Ni maske a haci tur insulto y grito tog e no a yuda na nada pasobra nan a keda na pia
tog. Polis a mustranan tambe cu cualkier patruya cu topanan riba caya por haci e control ora cu nan kier
si ta mira algo robez.