Page 8 - KPA - JUNI 16,2015

Inspector Andrew Hoo: Schuifmento di ambiente nocturno pa area di Noord tabata motibo
pa accion preventivo
Tuesday, 16 June 2015 09:23
Comparti

Den entrevista cu Inspector di Polis Andrew Hoo a puntre riba un accion cu tabata tin den fin di siman.
Cu permiso di Ministerio Publico y a base di diferente cos cu tabata monitorea a haya cu mester actua.
Playa tabata hacie basta tempo y e grupo di hende a schuif pa otro area.
Kier tabata cauteloso den e area di Noord pa evita batayon di Polis den area turistico. Pero awor a yega e
momento pa actua. Mester a sinta Ministerio Publico y splika dikon e accion. A apunta varios lugar cu
nan kier a actua. A asigna seis zona cu ta Eagle Beach, te Arashi, area di Hotel, area di Cas di Pueblo y
tambe zonanan problematico unda tabata tin sacamento di arma di candela. A bai dirigi riba control
contra arma di candela. 38 detencion tabata tin di cual 18 tabata pa droga segun inspector Andrew Hoo. A
drenta restaurantnan y nan mester a sera pasobra hopi trahador tabata sin permiso. A haya arma blanco.
Control di trafico tambe tabata tin y aki polis motoriza cu a join tambe a haci detencion cu chauffeurnan
bebi. E permiso pa e accion tabata di diasabra 6or di atardi te 6or di mainta diadomingo. Como 50
persona entrenan CEA y guarda Nos Costa tambe tabata envolvi. Kier keda traha preventivo. A mustra cu
Polis ta riba caya. Nan ta controla sonido tambe cu ta causa molester. Ta controla e orario di cierre tambe
di e diferente lugarnan. Awendia multanan ta cay y no ta duna advertencia mas ora pasa orario di sera
negoshi. Andrew Hoo inspector di Polis a splica mas con ta atende cu e bendedornan di droga tambe
banda di hotel. Esaki ta algo cu nan tin atencion pe. E movecion pa e area a bin cu cierto bendedornan di
droga tambe.

http://www.24ora.com/local-mainmenu-5/96361-inspector-andrew-hoo-schuifmento-di-ambiente-
nocturno-pa-area-di-noord-tabata-motibo-pa-accion-preventivo