Page 11 - BDA24APRIL2015 (1)

CIENCIA/TECNOLOGIA A11
Diabierna 24 APRIL 2015

Check bo signonan
vital cu WiFi

Un sistema inspira pa radar lo por
haci aparatonan pa monitor salud

Pa satisface nos necesidad pa data relaciona cu salud, ingeni-
eronan a crea artefactonan specialisa cu por bisti of a añadi
capacidad na cierto artefactonan cu ya ta integra den nos bi-
danan. Pero un team di experto di MIT kier colecta data na un
manera mas facil, por medio di duna nos WiFi e capacidad pa
monitor nos curason y nivel di rosea, sin rekeri niun artefacto.
E team a presenta nan investigacion e siman aki na e confer-
encia anual di CHI, cu ta enfoca riba interaccion entre hende
y computer, na Seoul, Zuid Korea.
E sistema cu yama Vital-Radio, ta traha na un manera masha
similar cu radar. E WiFi router ta manda un señal cu ta bons
riba tur hende y obheto den cercania. Basa riba con lihe e se-
ñal bolbe bek, e sistema ta uza un algoritmo pa distingui entre
obheto y hende, como tambe distingui entre hendenan y nan
partinan di curpa individual. E por sigui halamento di rosea,
por medio di movecionnan chikito ora cu e pecho ta subi y
baha, y movecionnan di pulso na nek, cu ta indica ritmo di
curason su batimento.
Pero e sistema no ta perfecto, Vital-Radio no por detecta cam-
bionan fisico ora cu un hende ta canando, pero na cas of na un
hospital, ora cu un persona no ta move mucho, e data ta hopi
exacto, manera cu e investigadonan a descubri ora cu nan a
test e sistema riba 14 suheto, bisti cu monitor di rosea y di
curason, pa compara.
E sorto di informacion aki por ta util pa esunnan cu no ta djis
interesa den nan bio-data pa pret. E investigadonan a anticipa
cu un sistema asina lo por ta util pa monitor halamento di
rosea di un baby, mientras cu e ta drumi, monitor signonan
vital di un pashent den hospital, hasta detecta un persona su
humor, mientras e ta na cas, modificando e medio ambiente
pa aumenta comodidad.