Page 55 - MIN ECEM

ORANJESTAD(AAN)– Presidente di SADA, Sr. Eduard Maduro a splica cu no tin control
di Douane na nos costanan manera antes. El a laga sa cu e departamento aki tin 6 aña
si haya atencion.

El a menciona cu desde cu el a drenta sindicato e ta cuestiona e pakico no tin control na
nos costanan y semper el a haya e mesun contestanan: no tin placa, no tin tools, no tin
personal, etc. “No ta bisa pa pone un control na nos costanan tur anochi, pero por
cuminsa structura esaki. Por mustra e interes y duna balor na e Cuerpo di Aduana.” El a

laga sa su ora cu a sinta cu e director, e no ta laga e douaneronan sinti cu e tin e porta
habri di e banda ey. Tin hopi decision cu e director a tuma cu e minister en cuestion
mester a draai bek. Esey caba ta bisa hopi di e leiding cu nan tin.

Tin hopi aspecto pa cual lo mester yama un reunion cu e miembronan, y un di e
puntonan ta cu a stop e pago di gelijkbedrag na e pensionadonan nobo. Nan no tabata
tin mucho pura cu esaki, pero awo cu eleccion ta tras di lomba, nan tin un vision di kico
ta bay pasa. Solamente cu nan no sa ken ta bay asumi e puesto eynan.

Pero nan lo mester bay yama un reunion cu e miembronan, pa informa nan den
detayes di e parti di pension, pa nan ta na altura y warda wak ken ta bay sinta.

“For di eynan,” segun Sr. Maduro “ta na su luga pa sinta cu e gobierno nobo y splica
nan kico ta e problema. Lo mester duna e minister nobo tur e lognan di tur e
reunionnan cu a tuma luga, ariba e tema, pa wak kico ta nan pensamento y sigui bay
dilanti. Ta depende di kico e miembronan ta bay dicidi tambe. Nan ta bay ta esun cu ta

dirigi e sindicato, dus ta nan ta tuma e decision. Si dado caso, si mester yega na e parti
mas extremo, ta e miembronan lo dicidi esey,” segun Sr. Eduard Maduro, di sindicato
SADA.

http://www.diario.aw/2017/10/tin-6-ana-sin-atencion-pa-control-di-douane-na-nos-
costanan/

Otro siman ta cuminza e workshop “Di

Agricultor pa Empresario”