Page 21 - MIN.JUS 6 FEB 2016

14 AWEMainta Diasabra, 06 Februari 2016

Aunke e cantidad di detencion a
baha drasticamente

Basta
detencion
na Parada
di Luz na
San Nicolas

Polis ta cla pa fin di siman ocupa

AUNKE CU e cantidad di detencionnan ta

bahando, toch ainda e ta demasiado, na opinion
di Cuerpo Policial Aruba. E Cuerpo di Polis a
percura pa riba 150 Polis riba pia diahuebs anochi
pa compaña e Parada di Luz na San Nicolas.

E parada a cuminsa na ora y a caba na ora tambe,
esta 1:50am. Polis a detene no menos di 14
persona cu hunto a haya Afl. 3.100,= na multa.

E detenidonan tabata D.A.J. di 17 aña di edad,
D.A.H.A di 58 aña di edad, M.J.B di 36 aña di
edad, B.A.C di 15 aña di edad, E.A.J.L di 17 aña
di edad, R.J.H di 20 aña di edad, K.J.W di 16 aña
di edad, J.G.M di 28 aña di edad, A.M.T di 18 aña
di edad, R.O di 52 aña di edad, Y.E.T di 31 aña di
edad, O.I.G di 16 aña di edad, R.H.C di 17 aña di
edad y L.P di 38 aña di edad.
Mester menciona cu mayoria di e detenidonan
ta biba pariba di brug mes y mayoria ta local, cu
excepcion di un naci na Hulanda, un na Haiti y un
na Republica Dominicana. Tambe por observa cu
mayoria ta di edad relativamente hoben, algun
hasta menor di edad!

E delitonan cometi pa cual a detene tur e 14
sospechosonan aki ta debi na portacion ilegal
di arma, buracheria publico, stroba parada di
Carnaval, no sigui ordo di Polis y bringamento.

Den comparacion, na aña 2014 tabatin 8 detenido
y Afl. 4.100,= pero aña pasa tabatin no menos
di 31 detencion durante e mesun parada cu Afl.
6.400,= na multa.

Polis ta adverti cu control lo continua. E obhetivo
ta pa tur hende gosa Carnaval, tanto den e
paradanan como den banda. E nivel di tolerancia
t’ey, pero ora surpasa esaki, ta opta pa hiba Warda
di Polis pa no daña Carnaval di otronan.