Page 4 - BND SEPT 15

A4
LOCALDiamars 15 September 2015
Ban papia di ordenamento teritorial
E ley ta den implementacion?
Desde 2006, despues di hopi aña di preparacion,
Aruba a haya un ley cu tin como meta ordena y
regula nos teritorio pa loke ta e uzo cu ta duna na
sector determina. Hulanda pa hopi aña ta regula
uzo di su teritorio cu e ley riba ‘Ruimtelijke Or-
dening’. Na Aruba a scoge pa un nomber un tiki
diferente cu ta expresa cu e ordenamento ta den
desaroyo ainda. Si esey ta asina, ta debatible, ya cu otro indole.
gran parti di nos teritorio ya ta destina fiho caba.
No ta keda tanto tereno mas pa uza pa e diferente
metanan cu nos tin. Sin embargo, ta importante
tambe pa percura cu cierto actividad economico cu
riba nan mes ta legitimo, pero cu ta tuma luga na
un sitio no asina conveniente, haya un luga mas
adecuado.
Loke naturalmente ta hopi importante ta pa es-
tablece kico ta e metanan a largo plaso pa uzo di
tereno, tumando como punto di salida un uzo sos-
tenibel, den e sentido di uza un cierto tereno di tal yuda regula cu ta yuda nos den un desaroyo so-
forma cu e uzo actual no ta condena e tereno ey
blokiando un uzo diferente den futuro.
Un bon ehemplo nos tin semper na man: e re-
fineria cu durante aña a percura pa un contami-
nacion severo di e tereno cu e ta ocupa. Esaki a ser
tolera parcialmente pasobra e tempo aya tabatin
otro norma pa loke ta aceptabel den contamina-
cion ambiental. Pero tambe pasobra tabata y ta
pone ainda un enfasis hopi pisa riba prioridad na
beneficio economico y empleo, a pesar cu nos sa
cu e contaminacion lo tin su consecuencia a largo
plaso.
Aruba a haya pues un ley bastante laat den e
proceso, pero en todo caso den e ultimo periodo di
gabinete Oduber (2005 – 2009) a cuminsa pone
esaki den implementacion. A institui e Conseho
pa Desaroyo Teritorial (Raad voor de Ruimtelijke
Ontwikkeling) cu ta consisti di persona nombra
pa e ministro encarga, riba recomendacion di e or-
ganisacion na cual nan ta pertenece.
A yega na un plan general aproba, loke den e ley ta
e “Ruimtelijk Ontwikkelingsplan”. Pero, tin un
nivel mas pa bay: e ley conoce tambe un nivel pa
sector, unda cu e meta principal pa cada sector ta
defini mas den detaye y cu regla detaya: e “Ruim-
telijk Ontwikkelingsplan met voorschriften”.
Despues di cambio di gobierno na 2009 a bira
keto rond di henter e proceso aki. Pakico? Muy
probablemente pasobra e gobierno nobo no tabatin
mucho gana pa laga meta y reglanan defini ante-
riormente stroba nan den loke nan kier a haci.
E ehemplo grandi di esaki tabata e planificacion
di e molinanan di biento den e zona di Urirama cu
tabata destina pa ta un zona ‘berde’ (no den sen-
tido politico), sin desaroyo industrial o di cualkier
Di mes caba henter e zona di costa ey pa hopi
decada a ser considera pa varios gobierno como un
zona cu no mester keda daña pa niun sorto di de-
saroyo urbano. En todo caso nos ta awor na 2015
y no ta tende ni mira nada mas di e Conseho, si e
ta existi ainda y kico e ta haci. Bon pregunta pa e
ministro concerni contesta.
Pero, poniendo esey un banda, kico realmente nos
por spera di positivo di un ley asina, kico e por
cioeconomico sostenibel y saludabel (nos tambe
ta uza e palabra grandinan ey; nan tabata existi
prome cu Premier Eman a usurpa nan).
Den esaki e utilidad y sentido ta cana pareu cu e
boluntad pa uza e instrumento aki na un manera
sincero. Si un gobierno kier menos regla posibel
riba tur sorto di tereno, pa tin nan man liber pa
bay den cualkier direccion, unda cu ta riba nos
isla, anto bo mester tin e curashi tambe pa bisa
cu bo no kier regla. Pero e ora bo no mester keda
straña cu despues di bo ta bin un pio cu bo ainda,
cu ta pone un hotel di 500 camber banda di kapel
di Alto Vista, na modo di papia.
Asina tambe nos ta mira e problema ta surgi
awor di un hotel na Isla di Oro, mientras cu tur
hende bon informa awendia (nan ta hopi) ta na
altura di e desastre ecologico den diferente pais cu
ta sosodiendo specialmente den areanan di man-
gel y pakico? Pa acomoda proyecto turistico cu no
ta ‘sostenibel’, pa keda den e lenguahe faborito di
premier Eman. Aruba no ta para dilanti un crisis
manera na 1985. E crisis ey nos no a buske.
Nos ta para dilanti un crisis awor, cu a ser busca
netamente pa esunnan cu awor den nan panico
ta bin cu ‘solucion’. No ta sigur cu un ley di or-
denamento teritorial bon implementa lo a para e
tipo di locura aki, pero sikiera nos por tabatin un
chens.q