Page 7 - AVB
P. 7
Huntington ta keda liber riba e banda robes di area penal y ta los un tiro crusa cu ta bay
pega den e skina drechi di gol pa duna su ekipo bentaha di 1-0.
Riverplate a reacciona mesora y a bay en busca di e gol di empate pero no ta logra esaki y
aki tin cu menciona cu keeper di La Fama, Guylaine van der Linde tabata un tremendo
actuacion den e periodo aki y pa resto di wega, cu intervencionnan efectivo pa salba su
gol ora cu esaki tabata necesario.
Den di dos tempo Riverplate a Sali mas determina en busca di e gol pero cu La Fama su
defensa trahando duro pa trata di mantene e bentaha minimo pero esaki no ta logra y
Riverplate ta logra di empata e partido na 1-1 pa medio di Jessica Rivero y despues
mesun hungado ta pone ekipo di Madiki dilanti 2-1.
La Fama despues di e gol aki a traha duro pa busca e gol di empate y ta bin logra esaki
riba un contra atake rapido caminda Lillian Saladin ta penetra den area penal y ta hunga e
bala pa e centro delantero Yenhifer Hintington kende ta logra anota su di dos gol di
anochi pa empate e partido na 2-2.
Cu e dos golnan aki Huntington tin tres gol anota den dos wega.
E empate ta laga La Fama cu tres punto den dos partido hunga y Riverplate a keda cu 7
punto den tres wega hunga te cu awor.
La Fama lo mira accion mayan anochi 21 di November ora cu e ekipo enfrenta e hoben
ekipo di RCS cual partido lo wordo hunga pa 8’or di anochi den Compleho Deportivo
Frans Figaroa mientras cu Riverplate lo mira accion dia 29 di November ora cu e enfrenta
e ekipo di RCA den Compleho Deportivo Guillermo Prospero Trinidad pa 8’or di anochi.
Riba combinacion di foto por mira Yenhifer Huntington kende a anota e dos golnan y su
colega keeper Guylaine van der Linden kende a destaca den gol pa La Fama.