Page 29 - AAA 1 OCT 2015

Pilotonan Venezolano tambe mester cumpli cu exigencia di
Aruba, esta papia Ingles

Publication: Thursday, 1 October 2015. Categoria: General
Edwin Kelly, director di DAC

ORANJESTAD (AAN):
Edwin Kelly, Director di Departamento di Aviacion Civil tambe tabata presente den un
declaracion cu ANSA a duna encuanto e malcontento cu tin bou di personal di Toren di Control
relaciona cu e decision tuma cu solamente por papia Ingles cu e Pilotonan. Esaki ta un regla di
ICAO di cual Aruba ta miembro.
Kelly a splica cu enberdad e idioma cu mester papia ta Ingles, pero mester tene cuenta tambe cu
tin un provision cu ta bisa cu na momento cu tin un emergencia of problema severo di
comunicacion, e controlador por pasa pa papia un otro idioma.
Manera ta conoci, Aruba ta ricibiendo hopi avion for di Venezuela pero tambe di paisnan di
Latino America. Kelly a recorda cu e rekisito di uzo di idioma Ingles no ta un regla di Aruba so
pero un regla internacional cu ta bisa cu e Ingles mester ta di cierto nivel. El a menciona un
incidente cu a tuma luga algun aña pasa cu un Piloto Brasilero, kende no tabata domina ni Ingles
ni Spaño. “Nos di Direccion di Aviacion Civil mester wak tur cos den perspectiva y mester bini
cu medida pa evita incidentenan a base di informacion concreto cu nos ta haya,” Kelly a
comenta.
Den e caso di Pilotonan Venezolano, el a bisa cu nan tin un licencia Venezolano. Na Venezuela
nan mester cumpli cu e exigencianan di Venezuela y si nan kier bula internacional – por ehempel
Aruba, Colombia of Panama – nan mester cumpli cu e exigencianan di e paisnan ey.
http://www.diario.aw/2015/10/pilotonan-venezolano-tambe-mester-cumpli-cu-exigencia-di-
aruba-esta-papia-ingles/