Page 16 - MIN TTC 14th APRIL,2016

26 AWEMainta Diahuebs, 14 April 2016

Riba 22 di april DESPUES di nos exitoso prome Mercado Santa

Santa Rosa lo bay Rosa, nos ta preparando pa duna tur atencion mereci
celebra Dia di Tera na mundialmente conoci Dia di Tera.
cu un Dia Publico Esaki ta wordo celebra diabierna 22 di april cual nos
tin un Dia Publico e diabierna ey aki na Santa Rosa.
Cuminsando for di 8’or di mainta y ta sigui te cu 3’or
di atardi.

E tema pa e aña aki pa loke ta trata Earth Day
Celebration ta “Trees For The Earth, Let’s Get
Planting”. Dicon a scoge e tema aki?
Motibo ta cu mundialmente mas cu 15 biyon mata ta
wordo kita y/of bay perdi, (deforestacion), desaroyo
di terenonan y mal maneho forestal.
E plan ta pa planta mata cual lo ta enfoca pa yega 7.8
biyon mata na aña 2020.
Esey kiermen cu ta un mata pa cada persona na
mundo.

En conexion cu e dia aki nos ta haci un apelacion
na nos productornan local pa algun cosecha fresco.
Nos ta referi na tanto fruta cu berdura cu por wordo
bendi aki na Santa Rosa. Lo bay tin algun tent cu lo
ta disponibel p’esaki.
E lo no ta manera un Mercado Santa Rosa, pero si
solamente algun tent.
Lo bay tin tambe algun pasaboca y juicenan fresco pa
saboria. Musica no por falta rib’e dia ki.

Nos ta invita henter e pueblo di Aruba pa yega akinan
diabierna 22 di april pa nos pasa un rato agradabel
cu nos Dia Publico di Santa Rosa y duna e atencion
merci na nos “Mama Tera” y muster con hopi nos
mester cuid’e pa nos por sigui haya cosechanan fresco
y saludabel.

Pa nos productonan local cu tin productonan fresco
sea ta fruta, berdura, carni fresco of otro productonan
cu por wordo bendi rib’e dia aki por tuma contacto cu
Santa Rosa na tel. 585-8102 y pantra pa sr. Ludwig
Rasmijn pa nos reserva un espacio p’e dia ki. E
facilidad di tent p’e dia aki no tin ningun gasto envolvi.

Bin celebra nos Dia di Tera cu nos aki na Santa Rosa
diabierna 22 di april cuminsando for di 8’or di mainta
te cu 3’or di atardi.