Page 2 - BRANDWEER NOV 5,2015

Pagina 2 Diahuebs 5 November 2015

Señora di edad a fayece den accidente di trafico na
cruzada di Mahuma

Ta trata di Maria De Los Angeles Perez, casa cu Rasmijn, naci na Santo Domingo 4 Juli 1937

Diamars anochi den careda di
9:30 Aruba a ser sacudi pa un
accidente serio na cruzada di
Mahuma. Mesora cu e noticia
tabata drentando un tras di
otro a cuminsa manda tur
unidad di rescate pa e sitio.
Prome patruya na e sitio a
pidi ambulance cu urgencia
y tambe ya por a mira cu un
di e tres personanan envolvi
den e accidente no tabata
duna señal di bida mas.

E accidente ariba su mes
tabata calculo robez of mihor
bisa e victima lo no a pone tino
cu e BYD tabata bahando for
di pariba cu velocidad halto.
Y asina e BYD ta dal den
banda di chauffeur. E pareha
di edad den un Chevrolet
Traject a subi e caminda
confia y sin tabata sa kico ta
spera nan.

Ambos den e Chevrolet
tabata tin nan seat belt
bisti, pero e impacto tabata
demasiado fuerte, y aki ta
caminda e señora a fayece
mesora. E chauffeur di e
BYD tabata ariba vloer y
tabata keha di dolor, pero
por lo demas e tabata mustra
ok. Identidad di e victima
después di algun rato a ser
divulga door di vocero di polis
sr Lito Lacle.

Ta trata di Maria De Los
Angeles Perez casa cu
Rasmijn, naci na Santo
Domingo 4 Juli 1937. Pa mas
o menos 10:20 Dr. Gonzales
a constata morto. E curpa a
ser laga liber. Di parti nos
team di prensa nos desea
famia di e fayecida hopi forza
den e dianan dilanti y tambe
nos palabra di condolencia!