Page 41 - Djabierne 18 mei 2018.pdf
P. 41
Djabièrnè 18 Mei 2018 41
Ta ora pa konsientisá
pueblo riba HNO vs Sehos
WILLEMSTAD. - Felix Pinedo ku tin amplio eksperensia den St.
Elisabeth Hospital ta di
opinion ku e asuntu di
posishon di HNO versus
Sehos, ku ta esun ku lo bai
sòru pa eksplotashon di e
hòspital nobo, ta ser tres’é
dilanti di un forma ku ta
konfundí pueblo. E ‘holding’
di HNO no por ta esun ku ta
deliñá kon e hòspital nobo
mester bai funshoná.
Na opinion di Pinedo, pa
lei ta esun ku ta bai ‘run’
e hòspital mester disidí
riba posishon hurídiko
di e personal. Awor aki
tendiendo e minister i e
direktor di e Holding HNO,
ta parse ku ta nan ta i ta
disidí kon e funshonamentu
di e hòspital lo bai ta.
Te awe Sehos no por
bisa definitivamente ni na
su trahadónan ni pueblo
di Kòrsou ken ta bai ‘run’ e
hòspital nobo.
Pinedo na algun okashon
a menshoná kaba kon gran
parti di Sehos a ser bashá
abou i a traha hinter e
edifisio riba terenonan di
Sehos.
Defakto hospital nobo
a ser trahá riba tereno di
Sehos sin ku pueblo a mira
ningun akuerdo notarial
entorno ‘vruchtgebruik’ di
e tereno. Si esaki ta bèrdat
anto pa lei (e prinsipio di e
asina yamá ‘natrekking’) e
edifisio HNO ta propiedat di
Sehos.
Na promé lugá ta Sehos
mester kontesta i no HNO
ni e minister (gobièrnu).
Tin prinsipionan den
‘administratiefrecht’ ku ta
dikta ku gobièrnu no mag
di entremeté den asuntunan
privá di organisashonnan
privá (‘doorkruising’).
Naturalmente pa ku e
asuntu di kuido di salú ku ta
algu primordial pa pueblo,
gobièrnu i Sehos mester
sinkronisá un ke otro.
Pero e manera ku ta
komuniká esaki ku pueblo
ta pone ku tin pensamentu
robes riba e totalidat.
Gobièrnu i Sehos mester
pone bon kla pa pueblo e
diferensia entre e ròl di
Sigui lesa pagina 44
