Page 27 - DIARIO 7NOV,2015

DIASABRA 7 NOVEMBER 2015 DIARIO
Rafael “Rafa” Tromp, otro baluarte cu a despedi di
“Teatro di mundo”
Por bisa “Teatro di mundo, Teatro Mundial, Teatro di Aruba etc.”
pero si mira bon, bida riba e mundo aki ta manera un “obra teatral”.
E Director aya riba ta dirigi e obra y ta dicidi “ki papel” bo ta hunga. 1974. Den “Baha fo’i mi lomba” na 1976 Rafa tabata cabayero y
E director a dicidi di yama Rafael “Rafa” Tromp pa gradici’e pa su
empeño riba tereno di teatro na Aruba y den exterior cu Mascaruba,
FITA, Fundarte y su papel den obranan di varios otro organizacion ,
fundacion y comision di nos isla.
Ta poco dia pasa su esposa Lourdes a bay laga e mundo aki y ningun
hende lo a pensa cu Rafa lo a sigu’e asina lihe. Rafa ta un di e balu-
artenan di teatro di nos isla. Un di e fundadornan di Mascaruba y cu
a keda cu e atencion y interes den bida di teatro di nos isla te unda e
tabata por, segun su salud a permiti’e.
Su fayecimento a dal duro den seno di Mascaruba y den seno di Fun-
darte di cual e tabata miembro y miembro honorario. Su yiu homber
Angelo “Tata”, a sigui pasonan di e tata riba tereno teatral y cu awe
ta tesorero di Fundarte.
Danki na Sr. Harold Perreira otro baluarte di teatro y di Mascaruba
y Fundarte, mi a haya un lista completo di carera di Rafa den Mas-
caruba, cual por considera como Curriculum di teatro di Rafa cumin-
sando cu e fundacion na 1961 y desde 2006 miembro honorario.
Tirando un bista riba e añanan den directiva, por menciona cu for di
1970 el a ocupa puestonan di comisario, Vice Presidente 1986-1987
y despues añanan como comisario sigui pa puesto di president di
Mascaruba di 2004 pa 2006 prome cu el a bira miembro honorario.
tur e añanan ey e tabata forma parti tambe di FITA y Fundarte te cu na
2006 el a bira tambe miembro honorario di Fundarte.
E aña aki Fundarte a perde dos miembro honorario, Rafa Tromp y
Sim Frank, y tambe secretaria Maria da Silva, mientras cu ademas
den e lunanan tras di lomba, e mundo teatral a perde figuranan grandi
di teatro manera Oslin Boekhoudt, otro baluarte di Mascaruba, Vale
Croes, actor y presentador di teatro, y Richard Harms otro actor y
personahe grandi di teatro riba nos isla. Awe Rafa ta wordo hiba pa
su ultimo lugar di sosiego.
El a hunga papel di Shon Do (Brouw) y di Pablo la Paz , den e mes
obra na 1961, cual obra tabata Veneno Sabroso. Esaki tabata e
prome obra grandi di Mascaruba traduci pa Nena Vrolijk d.f.m. y
Domi Tromp y casi tur fundador di Mascaruba a tuma parti. Domi
mes tabata Johan Brouw y Nena tabata Abelina Brouw. Varios otro
baluarte masculino y femenino a participa den e obra cu a wordo ripiti
na 1968.
Segun e lista di Harold Pereira cu e Curriculum di teatro di Rafa, e ta-
bata den “Posada de amor” na 1966 como marques di Forlipopoli.
E obra aki te asina leu cu mi tin anotacionnan, tabata tin Marcelo
Tromp como Conde di afafiorita y Guechi Pieterz d.f.m. Mi mester
menciona aki e papel di Mirtha Dirksz como Mirandolina den e obra
ey. Na 1969 Rafa a hunga papel di Lopes den e obra “Pidi man”
mientras cu e aña siguiente e tabata director di escenario den “Dia-
domingo den New York.
PAGINA 27
Na 1971 segun e lista di Harold, Rafa a hunga papel di Capitan Med-
ina den Macuarima. Esaki tabata obra skirbi pa Erneso Rosenstand
cu elenco grandi. Ernesto mes a hunga papel di Macuarima, Harold
tabata “Balashi”. Esaki tabata e obra cu tabata tin e elenco di mas
grandi di actor y actriz e tempo ey y e gran actor arubano Chido Quilotte
a hunga papel di Alonso de Ojeda, mientras cu Yvonne Quillotte ta-
bata Guadirikiri, Percy Jeandor tabata tin papel di Bucurui, Guechi
Pieters d.f.m. tabata “Tata Arikok” cu Ruben Geerman como “Yiu
Arikok y Freddy Croes como Pluma Blanco. Nena Vrolijk d.f.m. a
hunga papel di Kudawecha y Luci Carion como Yamanota y Tuyo
Croes como Bucuti entre otro.
Rafa a traha como tecnico den “Purga den Orea” na 1972 y a actua
como Indjan di Andicuri y como cantante tenor den “Wadirikiri” na
tambe tecnico mientras cu e mes aña e tabata “Arturo” den e obra
“Dushi Vengansa”. E aña siguiente Rafa tabata den e team di pro-
duccion y tecnico di e obra “No Mata Bo curpa, ta Primavera” y
despues a traha como tecnico na 1979 cu “Mishilikeiro”, 1981 cu
“Muchanan di Awendia”, na 1981 tambe cu “Un Trabao Milagroso”
den cual el a hunga papel di figurante tambe, 1983 “E oficina”, na
1984 “Tiro riba Tiro”, 1984 “E Heroe”, tambe “Un soño di Pasco”,
y tabata na 1986 el a dirigi su prome obra cu tabata un obra di mis-
terio cu tabata tin publico riba punto di asiento te final cu a resolve e
crimen.
Esey tabata e obra “Webo a la Rusiano”. E mes aña Rafa tabata co
director di “Luz na Horizonte.” Exito grandi cu Rafa tabata tin como
actor tabata tambe den “Prostituta Respetable” (1988) como “E
Negro” y “Pirates night” (1989) como Capitan Pirata. Den “Lugar
Limita (1990)” e tabata tecnico cu trabao maraviyoso pa funciona-
mento di lift cu grupo di hende cera den dje. Den e obra aki Gina
Nuboer a haci impresion masha grandi como actriz. Rafa a co dirigi e
obra “Droga” na 1992 pero prome cu esey na 1991 e tabata e “Cha-
man” den e obra “Indian night”.
Despues di esaki el a actua dos biaha mas e cu 2006 y tabata tecnico
e otro añanan. Na `1997 el a actua como Frank, e bellboy den “Otro
gay ta canta” y el a actua como “Juancho” na 2005 den “Ta awor ta
4 or”.
El a fungi como tecnico den Macuarima na 1999, tambe na 2001 den
“No cana Rond Sunu” na 2002 den “E sonrisa di Max” y na 2006
den “Señora Sapate”. Si mester menciona elenconan y papelnan cu
actor y actriznan a hunga den e obranan, lo no bini cla cu e cantidad di
obranan. Danki na Harold Perreira cu mi por a ricibi e lista di 1961 pa
2006 cu mi por a yena poco pa por a recorda Rafa. Riba e fotonan por
mira Rafa na preto na man robez patras riba un, y riba e otro dilanti cu
cup den man banda di Guechi Pieters
Den Fundarte nos a perde den lapso di 2 luna, 3 miembro y ademas 3
colega teatral, den ultimo 12 luna. Forza sigur na famia di Rafa, prin-
cipalmente na Angelo “Tata”, di parti di Dynia, Harold, Juani, Lilly,
Evelyn y mi persona y cu Rafa sosega dushi.
Juby Naar