Page 9 - ALLE MIN

http://www.24ora.com/local-mainmenu-5/89483-caya-dr-arturo-saladin-a-keda-inaugura

Caya Dr. Arturo Saladin a keda inaugura

Monday, 08 December 2014 19:56
Comparti

Un pesonahe hopi conoci, cu un trajectoria hopi largo den mundo di medicina na Aruba, a keda reconoci
pa su legado den nos comunidad. Dr. Arturo Saladin, november ultimo, a cumpli 12 aña cu el a fayece y
ayera a dedica e caya di oficina principal di SETAR na su nomber.
Presente na e ceremonia tabata yiu Micheal Saladin di Dr. Saladin y su ruman Sra. Elsa Lampe-Saladin,
acompaña pa sobrina y nietonan. Prome Minister Mike Eman acompaña pa Minister encarga cu
Infrastructura Benny Sevinger y Minister encarga cu Salud Publico na Aruba, Alex Schwengle tabata
hunto cu famia Saladin pa e inauguracion.
E ceremonia a cuminsa ora cu director di DOW, Sr. Marlon Croes a duna un introduccion cortico di dr.
Arturo Saladin su bida y e importancia cu e tabata tin pa e comunidad di Aruba.
Prome Minister Eman y Minister Schwengle a duna un discurso chikito cu tabata inclui experiencianan
personal cu nan tabata tin di Sr. Arturo Saladin.

http://www.noticiacla.com/news/1811