Page 66 - TTC MARCH 12,2015

Minister Otmar Oduber a mustra su sosten pa
Concierto ABC organiza pa Fundacion Mi Cutisa

· Mar 11th, 2015
· Local

Minister di Cultura Otmar Oduber a reuni diaranson mainta cu Fundacion Mi Cutisa, un fundacion cu ta
dedica su mes na arte y cultura.
Mevis Krozendijk-Eckmeyer, directora di e fundacion a indica cu nan a acerca Minister Oduber den
cuadro di e concierto ABC cu nan lo bay tin den Cas di Cultura 14 y 15 di maart. Ta trata di un concierto
folkorico di Aruba, Boneiro y Corsow. Aruba lo wordo representa pa Jossy Brokke, Corsow pa Ced Ride
y Boneiro pa Wesley Santiago.
Sra Krozendijk-Eckmeyer a duna di conoce cu e concierto aki no lo keda Aruba so, pero lo tuma lugar na
Bonairo y Corsow tambe na lunanan di juni y november respectivamente. E concierto a wordo organiza
pa conmemora e 10 añanan di existencia di Fundacion Mi Cutisa, pero e la bira mas grandi unda cu a uni
e tres islanan cu nos idioma papiamento y nos folklore. Tambe ta bay tin un exposicion homenaheando
Bernadina Growell, Lio Booi, Ramon Krozendijk y Hildward Croes pa e cancionnan cu nan a traha den
pasado pa Aruba. Igualmente lo bay tin un exposicion di 10 aña di Fundacion Mi Cutisa y tambe di
artefactonan cu ta trata di Aruba.
Relaciona cu esaki a acerca Minister Otmar Oduber pa haya su sosten. E reunion a bay den hopi bon
ambiente, e mandatario a haya e proyecto uno di interes no solamente localmente, pero tambe pa e lazo
cu ta creando riba nivel folkorico cu Boneiro y Corsow. E mandatario a duna su sosten total na e proyecto
y a mustra interes pa reuni un biaha mas cu e fundacion pa mira con por logra cu e concierto aki por bira
ainda mas grandi.
Minister Otmar Oduber ta sostene y admira e diferente instancianan cu di un of otro forma ta contribui na
eleva nos cultura, nos folklore y nos tradicionnan, manera ta e caso di Fundacion Mi Cutisa.

http://masnoticia.com/minister-otmar-oduber-a-mustra-su-sosten-pa-concierto-abc-organiza-pa-
fundacion-mi-cutisa/

http://masnoticia.com/jose-david-ganador-absoluto-pa-festival-un-canto-pa-nos-himno-y-bandera/