Page 43 - MIN.TTC MAY 27

Dia 4 di februari pasa a wordo lanta oficialmente e Fundacion Salud Pa Bida. E iniciativa a wordo tuma
september 2014 caba door di un prome grupo di graduadonan riba nivel avansa di Gewichtsconsulenten.

Gewichtsconsulent ta un ofishi nobo na Aruba. E ta traha diferente como un dietista. E
Gewichtsconsulent ta traha riba e tereno di prevencion. E cifranan di malesanan chronico causa dor di
sobrepeso y obesitas ta hopi alarmante y ta subi cada dia mas na Aruba. E meta mas importante di
Fundacion Salud Pa Bida ta pa duna hopi di su parti pa yuda Salubridad Publico na Aruba door di
promove un stilo di bida mas saludabel door di coach y yuda cu come mas saludabel, haci movecion y
duna educacion riba tereno di come y move door di duna workshops di informacion, reunion y actividad.
Banda di tur esey e fundacion ta traha como promoter di su ehercicion den un linea profesional.

Patrona di nos Fundacion Salud Pa Bida ta sra. Marisol Lopez-Tromp un hende bon conoci na Aruba.
E no ta e fama di sra. Marisol so a pone nos dicidi di puntr’e como patrona di nos fundacion, pero su
papel mas importante, como mama, un ehempel pa cada mayor cu ta busca y haya e balansa entre un
carriere/un trabao masha druk y exigente y e cuido pa su famia.
Pa nos fundacion e ta e persona cu ta mustra nos cu “YOU CAN DO IT ALL!”.

Pa introduccion di e trabaonan nos fundacion Salud Pa Bida ta bay coopera cu Delifrance. E cooperacion
aki ta pa mayoria parti pa esnan cu ta desea di come saludabel pafo di cas. Delifrance ta bay ofrece un
healthy buffet y ta primiti pa tene su mes na un buffet balansa y varia cu a wordo prepara segun guia di
reglanan pa un estilo di bida saludabel/healthy lifestyle. E input di e Gewichtsconsulenten di fundacion
Salud Pa Bida lo ta pa controla e preparacion segun e normanan di come saludabel, tene cuenta cu e
cantidad di sodium, sucu y vet cual ta hunga un papel importante den e buffet. Delifrance/Salud Pa Bida
tambe lo ofrece un carchi di miembracia na unda e cliente por bira miembro y e ora ey y haya guia door
di e Gewichtsconsulent den cuadro di e healthy lifestyle na unda cominda varia y haci movecion ta
central.

Nos ta invita e publico y sigur e hendenan cu tin un challenge cu nan peso pa bin y laga nos informa bo
tocante e trabao di un gewichtsconsulent/lifestyle coach y locual nos por haci hunto cu bo pa guia bo na
un bida mas saludabel y e mantencion di un salud y un peso saludabel y duradero.
Nos lifestylecoachnan lo tey pa boso!

Pa mas informacion por tuma contacto cu

Stichting Salud pa Bida - Saskia Budel - 592-2792 - saskiabudel@hotmail.com / Frank Brandon - 734-
1965 - f.fit4life@hotmail.com

Delifrance - 588-6006

http://www.24ora.com/local-mainmenu-5/95586-gewichtsconsulenten-ta-traha-hunto-pa-bai-contra-

sobrepeso