Page 16 - AWEM 23-Jan-2015

16 AWEMainta Diabienra, 23 Januari 2015

Musica ta un mundo riba su Alex Tromp
mes, e ta un idioma cu nos tur (AVP) a haya
ta compronde (Stevie Wonder, traduccion) salario barbaro
pa cana rond
Cu determinacion, pero tambe cu musica, Betico a trece amor pa pais den Parlamento
den curason di tur Rubiano.
Feliz dia di Betico. MEDIDA ta bin pa pueblo, pero AVP keto bay ta fix su

hendenan! E biaha aki ta Alex Tromp ex- Parlamentario di AVP
t’esun na turno pa wordo gefix cu un posicion.
Dia 19 december 2014 Ministerraad a bay di acuerdo pa duna
Alex Tromp un contract cu schaal 16 (8915 florin) plus 25%
(2228 florin) plus 250 florin di autokostentoelage plus 250 florin
toelage pa telefon.
Pues Alex Tromp a wordo gefix cu un contrato cu e salario
barbaro di 11.643 florin pa luna, segun fraccion di MEP.
Bale la pena ta berde! E decicion di Ministerraad ta menciona cu
Alex Tromp lo traha como miembro di e management team di
CBS desde 1 di januari 2015, pero pa nos sorpresa nos a topa Alex
ta cana rond den Parlamento. Parce cu Alex no a bay traha na
CBS, pero a presenta na Parlamento na unda cu e ta traha como e
di dos fractiemedewerker pa fraccion di AVP ganando salario di
Parlamentario!!!
E siman aki mes den reunion di comision MEP por a mira Alex
Tromp fuera di tur regla di Parlamento sinta banda di Baba Herde
y den stul di Parlamentario ta tuma nota pa fraccion di AVP.
Alex Tromp a mustra cu na unda otro no por yega sinta e como
AVPista fiel ta yega trapa riba tur regla y sinta cu bendicion di
Baba Herde cu ta consenti tur cosnan for di sla den Parlamento.
AVP a mustra cu cuidadanonan manera Rocky Kelly no por
drenta Parlamento, pero nan hendenan ta drenta unda cu ta y ta
sinta unda cu ta.
Presidente di Parlamento ta midi cu hopi midi, t’e conclusion di
MEP.
Awor pueblo di Aruba por wak unda su placa ta bay y pakico
ta bin tanto medida. AVP mester fix su hendenan na grandi y e
biaha aki placa di pueblo mester paga pa Alex Tromp cana rond
den Parlamento ganando salario barbaro!!!