Page 3 - SDP
P. 3
Diabierna 24 Juli 2015 Pagina 3
Na Seroe Patrishi:
Un chauffeur a bira dilanti un pick-up y ocasiona un
accidente
Diahuebs merdia a
drenta informe di un
accidente cu hende
herida na Seroe Patrishi.
Mesora a dirigi tanto
polis como ambulance
pa e sitio.
Na yegada di e patrulla,
nan a bin comprende cu
ta trata di un accidente
unda cu e chauffeur
di e Plymouth Breeze
biniendo for di e rotonde
di Paradera a bay bira
na su man robez y no
a duna preferencia na e
Pick-up cu tabata bini di
direccion contrario.
El’a dal den e pick-up y
esaki a dal un otro pick-
up staciona.
Consecutivamente e
ultimo pick-up a bay
dal riba un otro pick-up
mas staciona na e sitio
aki. Tanto e chauffeur
di e pick-up, e conocido
Manuel Da Silva como
tambe e otro persona
den e Plymouth a resulta
herida. Na yegada
di e ambulancenan,
personal di ambulance
a atende e victimanan
y transporta nan pa
hospital.
